Charter Document - 02060154
| Charter Number: | 02060154 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1291 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p96) |
Charter:
In nomine Domini amen Anno incarnationis ejusdem MCC nonagesimo primo ultima die mensis julii ego Girardus de Monte Antelmi miles notum facio omnibus presentibus et futuris quod habebam in bursa episcopi Eduensis quolibet anno unam marcham argenti ex annuo redditu in valore quinquaginta solidorum Parisiensium Ego confiteor et publice recognosco me vendidisse et quittasse imperpetuum reverendo in Christo patre Hugoni divina miseratione Eduensi episcopo et capitulo dicti loci et successoribus eorumdem predictam marcham argenti pretio videlicet triginta duarum librarum Turonensium de quibus habui plenum et integrum pagamentum per manum predicti domini episcopi et de quibus me teneo pro pagato quittans nichilominus et absolvens prefatum dominum episcopum dictum capitulum et eorumdem successores de dicta marcha argenti et de pecunia supradicta promittens per juramentum meum prestitum corporale et sub obligatione omnium bonorum meorum [] Actum in presentia Hugonis de Sancto Poncio clerici notarii Eduensis Renaudi de Leuse et Hueti de Parreceyo testium ad hoc vocatorum specialiter et rogatorum anno et die predictis