Charter Document - 02060153
| Charter Number: | 02060153 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1265 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p95) |
Charter:
Ego Girardus Guioneti burgensis Kari Loci notum [facio omnibus presentes litteras inspecturis] quod cum dominus Henricus de Gentes miles et domine Aalis uxor ejus vendiderint accensaverint et ad censam tradiderint cesserint pariter et concesserint michi et meis ex nunc usque ad viginti annos subsequentes continuos et completos decimam suam et fructus decime quam habent et habere possunt in parochia de Reigniaco dyocesis Eduensis reverendo patre Girardo Dei gratia Eduensi episcopo de cujus feodo dicta decima esse dignoscitur prestante predictis assensum auctoritatem et consensum ego predictus Guioneti volo et concedo quod predictus dominus episcopus Eduensis vel ille qui pro tempore erit dictam decimam rehabere possit a me vel a meis pro ducentis libris Viennensium volo et concedo etiam quod decem libre predicte monete deducantur de predictis ducentis libris singulis annis quibus ego vel mei dictam decimam possidebimus et cedant in solutionem redemptori In cujus rei testimonium ego sepedictus Girardus Guioneti tradidi predicto domino episcopo Eduensi presentes litteras sigillis religiosi viri abbatis Sancti Rigaudi et nobilis viri Philippi Montis Petrosi sigillatas Actum anno Domini MCC sexagesimo V mense januario