Charter Document - 02060148
| Charter Number: | 02060148 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p93) |
Charter:
Universis presentes litteras inspecturis nos magister Johannes de Borbonio canonicus et officialis Eduensis notum facimus quod in nostra presentia propter hoc specialiter constituti Guillermus dictus Gorge civis Eduensis et Agnelona ejus uxor [] recognoscunt et confitentur publice et in jure coram nobis quod villa sua que villa vocatur Chateillon sita in parochiatu de Brecis est et movet de feudo reverendi in Christo patris ac domini Girardi Dei gratia episcopi Eduensis et ipsam villam cum omnibus appendiciis et pertinenciis dicte ville tenent in feudum a predicto domino episcopo Eduensi ut asserunt coram nobis Item sciendum est quod predicti Guillermus et ejus uxor confessi sunt publice et in jure coram nobis quod ipsi debent predicto domino episcopo Eduensi ex causa mutui decem libras Turonensium quos decem libras habuerunt et receperunt predicti Guillermus et ejus uxor a predicto domino episcopo Eduensi in pecunia legittime numerata prout confitentur coram nobis Quos siquidem denarios promittunt et tenentur dicti Guillermus et ejus uxor per juramenta sua super sancta Dei evangelia corporaliter prestita et sub obligatione omnium bonorum suorum mobilium et immobilium presentium et futurorum ubicumque sint et quocunque [nomine censeantur] dictos denarios reddere et solvere predicto domino episcopo Eduensi dum fuerint requisiti et ad majorem securitatem dicti Guillermus et ejus uxor obligant et assignant predicto domino episcopo Eduensi predictam villam suam de Chatoillom cum omnibus appendiciis et pertinenciis dicte ville volentes et concedentes quod si ipsi in solutione dicte pecunie ad requisitionem dicti domini episcopi Eduensis quod absit deficerent quod dominus episcopus predictus fructus et exitus dicte ville et appendiciarum et pertinenciarum ipsius ville percipiat et habeat et ipsos fructus suos faciat quousque eidem domino episcopo Eduensi de dictis denariis fuerit integre satisfactum In cujus rei testimonium ad preces et instanciam dictorum Guillermi et ejus uxoris presentibus litteris apposuimus sigillum curie Eduensis Datum die festo apostolorum Petri et Pauli anno Domini MCC septuagesimo octavo