Charter Document - 02060145
| Charter Number: | 02060145 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1288 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.91) |
Charter:
In nomine Domini amen Anno incarnationis ejusdem MCC octogesimo octavo mense marcio die mercurii ante Annuntiationem dominicam nos Guillermus dictus li Gorge de Edua et Agneleta ejus uxor notum facimus omnibus presentibus et futuris quod nos unanimiter sponte scienter et provide non coacti nec decepti vendimus tradimus quittamus deliberamus et concedimus penitus et precise pro nobis et nostris heredibus imperpetuum reverendo in Christo patri Hugoni Dei gratia episcopo Eduensi et ejus successoribus quemdam mansum nostrum qui vocatur mansus de Chateillon situm in parochiatu de Brecis supra Eduam inter terram illustris principis Roberti ducis Burgundie quam nunc tenet predictus episcopus ex una parte et inter terram vallis de Biere que est capituli Eduensis ex alia et inter terram de la Gravatiere que est domine de Mont Jeu ex altera cum fondo pertinenciis et appendiciis ipsius mansi et cum omni jure racione actione proprietate possessione et saisina quod et quas habemus aut possumus habere qualicumque modo in dicto manso et omnibus pertinenciis et appendiciis ipsius mansi tam in domibus terris pratis nemoribus usagiis planis pascuis exsartis censivis costumis serviciis tailliis servitutibus juribus et omnibus redditibus quibuscumque necnon et cum hominibus seu tenentibus dictum mansum et pertinencias et appendicias dicti mansi qui quidem mansus cum pertinenciis movet et movere debet de feodo dicti episcopi ratione sue ecclesie Eduensis precio triginta librarum Viennensium nobis solutarum in pecunia numerata ab episcopo supradicto de quibus nos tenemus plenarie pro pagatis Quare de dictis rebus venditis et de omni jure quod habemus in eisdem nos et nostros heredes penitus devestimus [] In cujus rei testimonium sigillum dicte curie litteris istis rogavimus et obtinuimus apponi Actum in presentia Hugonis de Sancto Poncio clerici notarii Eduensis domini Petri de Arcyaco canonici Eduensis domini Johannis Burdini presbiteri Renaudi de Ussello et Johannis de la Toyson clericorum testium ad hoc vocatorum anno et mense predictis