Charter Document - 02060143

Universis presens scriptum inspecturis Girardus Dei gratia Eduensis episcopus et frater Guillermus abbas humilis monasterii Sancti Martini Eduensis salutem in eo qui salus est omnium et salvator Notum sit omnibus quod cum inter nos causa verteretur super eo videlicet quod nos episcopus Eduensis in dicto abbate et monasterio suo visitationem correctionem procurationem et omnia alia jura episcopalia petebamus que omnia idem abbas nobis denegabat tandem mediantibus bonis viris de consensu decani et capituli Eduensis et de consensio conventus dicti monasterii si domino pape et dominis cardinalibus placuerit amicabilis compositio intervenit in hunc modum videlicet quod conventus Sancti Martini Eduensis post liberam electionem seu postulationem monachorum et conventus dicti monasterii Sancti Martini Eduensis electum seu postulatum in abbatem dicti monasterii prefato episcopo Eduensi qui pro tempore fuerit presentabit qui episcopus eumdem presentatum confirmabit vel etiam infirmabit secundum quod de jure fuerit faciendum et eidem confirmato munus benedictionis extra clausuram dicti monasterii impendet in diocesi Eduensi Benedictione vero recepta idem abbas professionem faciet in ecclesia Eduensi secundum quod a sanctis patribus est statutum salva eidem abbati et dicto monasterio compositione et ordinatione presenti Item inter nos extitit concordatum quod episcopus Eduensis qui pro tempore fuerit tempore uniuscujusque abbatis prefati monasterii una vice tantum post edictum quindecim dierum quando ei placuerit inquirere visitare corrigere et reformare in predicto monasterio poterit et debebit secundum canonicas sanctiones ita tamen quod idem abbas et monasterium supradictum qui semel visitati fuerint ab ipso episcopo Eduensi qui ipsos visitaverit vel a successoribus suis tempore ipsius abbatis visitati ipso durante abbate dicti monasterii amplius visitari non poterunt nec debebunt Tempore siquidem visitationis idem episcopus in abbatem conventum et monachos ejusdem monasterii sententias suspensionis interdicti et excommunicationis et plenariam jurisdictionem exercere poterit secundum quod dictaverit ordo juris et in ipsa visitatione aut alia vice in dicto monasterio sive infra clausuram ejusdem monasterii Sancti Martini Eduensis pernoctare bibere seu comedere non debebit episcopus supradictus Item dicti abbas et conventus monasterii Sancti Martini Eduensis prior et obedientarii ejusdem monasterii coram episcopo Eduensi qui pro tempore fuerit vel ejus officiali in omnibus causis convenire poterunt ac etiam conveniri criminalibus duntaxat exceptis in quibus causis exceptis criminalibus si dictus abbas contumax vel inobediens extiterit a prefato episcopo vel ejus officiali ab officio altaris poterit tantum suspendi Conventus vero in eisdem causis exceptis criminalibus si contumax vel inobediens fuerit in hunc modum poterit interdici videlicet quod alta voce vel sollempniter non poterit divina celebrare verumptamen januis clausis et voce submissa divinum officium poterit exercere in quinque vero festivitatibus videlicet Nativitatis Domini Resurrectionis Penthecostes et in duabus festivitatibus beatti Martini ob reverentiam dictarum festivitatum alta voce et sollempniter divina poterit celebrare abbas vero et conventus nulla alia pena poterunt puniri Prior autem obedientiarii et alii administrationem in dicto monasterio habentes si contumaces aut inobedientes quantum ad dictas causas extiterint a dicto episcopo vel ejus officiali suspendi interdici vel excommunicari poterunt secundum formam juris Ceterum ipsi abbas et conventus prior et alii obedientarii penis supradictis puniri poterunt salva eisdem appellatione legittima si senserint se gravari Super causis vero criminalibus dicti abbas et conventus coram dicto episcopo vel ejus officiali respondere non tenentur nisi tempore visitationis Item aliquis vel aliqui monachorum dicti monasterii seu membrorum abbati dicti monasterii aut abbas monacho seu monachis coram dicto episcopo vel ejus officiali in aliquibus causis respondere non tenentur nisi quando visitabit in dicto monasterio episcopus supradictus et tunc secundum formam visitationis prout superius est expressum Item per nos extitit concordatum quod dictum monasterium beati Martini Eduensis a procuratione episcopi archidiaconi et archipresbiteri Eduensis omnino est et erit in perpetuum liberum et immune et quod episcopus Eduensis in dicto monasterio sive infra clausuram Sancti Martini Eduensis populum convocare missam celebrare stationem facere aut aliquid episcopale officium nisi tempore visitationis non poterit exercere et tunc prout sicut superius est expressum Item dictus abbas ad synodum dicti episcopi venire non tenetur Sciendum est etiam quod episcopus Eduensis qui pro tempore fuerit nichil amplius quam ea que superius continentur a dictis abbate et conventu et monasterio Sancti Martini Eduensis ratione subjectionis vel jurisdictionis episcopalis petere vel exercere poterit aut debebit salvis ac retentis episcopo Eduensi qui pro tempore fuerit omnibus hiis et singulis que ipse et antecessores sui in prioratibus dicti monasterii Sancti Martini Eduensis in dyocesi Eduensi existentibus hactenus habere consueverunt Compositio vero supradicta debet a Sede apostolica statui ordinari et bullari et nisi a sede apostolica statuta ordinata fuerit et bullata in causa nostra predicta procedetur in curia romana prout de jure fuerit procedendum In cujus rei notitiam nos Girardus Dei gratia Eduensis episcopus nos decanus et capitulum Eduense nos Guillermus abbas Sancti Martini Eduensis et conventus ejusdem loci presenti scripto sigilla nostra duximus apponenda Datum anno Domini MCCLVI mense marcio