Charter Document - 02060142
| Charter Number: | 02060142 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1256 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.88) |
Charter:
Sanctissimo patri ac domino Alexandro Dei gratia sacro sancte romane Ecclesie summo Pontifici Girardus ejusdem miseratione episcopus decanus et capitulum Eduenses abbas et conventus monasterii Sancti Martini Eduensis devota pedum oscula beatorum Cum super subjectione dicti monasterii Sancti Martini Eduensis et juribus episcopalibus inter nos ad invicem in vestra curia controversia verteretur tandem mediantibus bonis viris amicabilis compositio intervenit si de vestre sanctitatis processerit voluntate Cujus compositionis formam ad vestre dominationis apicem sub nostris sigillis transmittimus sigillatam Quamobrem vestre paternitatis excellencie supplicamus humiliter ac devote quatinus dictam amicabilem compositionem vobis placeat auctoritate apostolica statuere ac etiam ordinare secundum quod dicta compositio in dictis nostris litteris est inserta Datum Edue anno Domini MCC quinquagesimo sexto mense aprili