Charter Document - 02060133
| Charter Number: | 02060133 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1200 |
| Date type: | Internal |
| Resource Link(s): |
Archives départementales de Saône-et-Loire - G 443 (p.83) |
Charter:
Ego frater Guido Clarevallis et ego frater Helyas Regniaci abbates notum facimus imperpetuum hoc visuris quod cum autenticum scriptum ab antiquo conservaretur in domo Regniacensi de concordia venerabilium Eduensis et Autissiodorensis episcoporum qui tunc temporis erant factum et sigillo utriusque sigillatum in quo continebatur quid juris uterque habebat in domo Regniacensi scriptum illud per successionem temporis est amissum Quod cum ad noticiam venerabilis Gauterii Eduensis episcopi pervenisset nobis presentibus venit Regniacum et conventi de continentia scripti illius seniores Regniaci qui illud viderant et legerant et virtute obedientie adjurati recognoverunt in capitulo in presentia ejusdem episcopi et nostra quod omnia que secundum formam ordinis nostri de jure debet facere in domo Regniacensi episcopus Autissiodorensis de jure debet et facere episcopus Eduensis preter consecrationem majoris altaris si consecrandum fuerit et preter benedictionem et professionem abbatis Testes sunt dilecti coabbates nostri B de Fontineto et B de Moris qui similiter presentes fuerunt et sua cum nostris apposuerunt sigilla Testes sunt etiam Hugo cantor Eduensis Willermus Avalonensis Bernardus Belnensis et Haymo Flaviniacensis archidiaconi qui cum eodem episcopo aderant anno ab incarnatione Domini MCC