Charter Document - 02060131
| Charter Number: | 02060131 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1249 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.81) |
Charter:
Nos Theobaldus Dei gratia rex Navarrie Campanie et Brie comes palatinus notum facimus universis presentes litteras inspecturis quod cum nos olim dedimus litteras nostras patentes venerabili patri Guidoni condam episcopo Eduensi quod non fieret prejudicium aliquid dicto episcopo vel ecclesie sue vel nobis pro eo quod recepit homagium nostrum apud Pont de Naselles nos postea similiter Ansello Eduensi episcopo successori ejusdem Guidonis litteras nostras patentes dedimus quod non volumus quod aliquid prejudicium fiat in futurum dicto episcopo vel ecclesie sue vel nobis pro eo quod recepit homagium nostrum dictus Ansellus Eduensis episcopus apud la Perriere nec trahatur in consuetudinem quod dictum homagium receptum est in loco supradicto In cujus rei testimonium presentibus litteris sigillum nostrum duximus apponendum Datum anno Domini MCCLX nono die veneris post bordas apud La Perriere