Charter Document - 02060130
| Charter Number: | 02060130 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1268 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.80) |
Charter:
Universis presentes litteras inspecturis nos frater Michael humilis abbas Sancti Martini et frater Guillermus humilis prior Sancti Symphoriani Eduensis notum facimus quod in nostra presencia propter hoc specialiter constitutus dominus Johannes de Aligney miles ex certa sciencia recognoscit et confitetur publice coram nobis se debere reverendo in Christo patri Girardo Dei gracia episcopo Eduensi quingentas libras Turonensium et trecentas libras Viennensium quam summam pecunie idem Johannes ab eodem episcopo mutuo recepit in pecunia legittime numerata prout idem Johannes publice coram nobis confitetur pro qua eciam summa pecunie idem Johannes tradit et obligat coram nobis in manu ejusdem episcopi quicquid habet habere potest et debet quoquomodo seu quocunque titulo apud Sauceyum et in appendiciis et pertinenciis dicti loci scilicet hominibus mansis tenementis tailliis costumis censibus decimis terciis terris pratis nemoribus aquis planis gaignagiis domibus grangiis dominiis justiciis magnis et parvis et rebus aliis universis quocunque nomine censeantur Que omnia et singula supradicta movere noscuntur et esse de feodo episcopi antedicti ab ipso episcopo tenenda habenda percipienda et levanda pacifice et quiete quousque eodem episcopo vel ejus certo mandato de dicta summa pecunie fuerit plenum ac integre satisfactum In cujus rei testimonium [] Actum Edue die mercurii post Nativitatem beati Johannis Baptiste anno Domini MCCLX octavo