Charter Document - 02060127
| Charter Number: | 02060127 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1275 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.79) |
Charter:
Universis presentes litteras inspecturis ego Guido miles dominus de Saffris salutem Noveritis quod ego non coactus nec circumventus sed sponte providaque deliberatione super hoc habita fretusque bonorum et amicorum meorum consilio recognosco publice me nullum jus habere occasione sive ratione juris patronatus privilegii aut consuetudinis sive jure quolibet alio presentandi rectorem in domo Dei de Saffris quando ipsam domum vacare contigerit sed ipsum jus presentandi recognosco pertinere ad dominum Girardum nunc episcopum Eduensem suisque successoribus in cujus dyocesi sita est dicta domus Si quid jus presentandi rectorem in dicta domo Dei habeam vel jus donandi dictam domum ipsa vacante ipsum jus dono quitto concedo domino Girardo nunc episcopo Eduensi suisque successoribus penitus et precise Promittens [] me contra presentem donationem et quittationem per me vel per alium facto vel verbo sive quocunque alio modo decetero non venire et ad hoc obligo me et heredes meos in futurum Abrenuncians [] michi autem heredibusque meis custodiam et gardam retineo dicte domus In cujus rei testimonium presentes litteras sigilli mei munimine roboravi Datum et actum in vigilia beati Andree apostoli anno Domini MCC septuagesimo quinto