Charter Document - 02060121
| Charter Number: | 02060121 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Obligation |
| Date: | 1257 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.74) |
Charter:
Ego Guiotus de Arneto domicellus notum facio universis presentes litteras inspecturis quod ego non coactus non circumventus sed spontaneus pro evidenti necessitate et utilitate mea reverendo patri Girardo Dei gracia episcopo Eduensi medietatem ville de Sauceyo et quicquid ibidem habeo videlicet in omnibus hominibus possessionibus redditibus tailliis costumis omnimoda justicia juribus servitutibus vel quasi in quibuscumque aliis cum pertinenciis et appendiciis ipsius ville et que a dicto episcopo teneo in feodum pignori obligo pro quatercentum libris Dyvionensium quas confiteor a predicto episcopo me recepisse in pecunia numerata Hanc autem obligationem vel gageriam promitto per juramentum meum corporaliter prestitum inviolabiliter observare et contra omnes garentire promittens etiam per dictum juramentum meum quod durante ista obligatione vel gageria nichil de fructibus ipsius gagerie accipiam seu capi faciam nec dictum episcopum super hoc molestabo nec faciam per alium in aliquo molestari abrenuncians siquidem expresse in hoc facto per dictum juramentum meum exceptioni non numerate pecunic [] In cujus rei testimonium et munimen cum sigillum proprium non habeam sigilla virorum religiosorum abbatis et conventus Sancti Martini Eduensis presentibus litteris rogo apponi Nos vero abbas et conventus predicti ad preces et rogatum prefati Guioti venerabili patri episcopo Eduensi supradicto presentes litteras sigillis nostris sigillatas tradidimus in testimonium veritatis Datum et actum anno Domini MCC quinquagesimo septimo mense marcio