Charter Document - 02060113
| Charter Number: | 02060113 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1271 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.71) |
Charter:
Universis presentes litteras inspecturis Hyolanda comitissa Nivernensis salutem Noverit universitas vestra quod cum venerabilis pater ac dominus noster Girardus Eduensis episcopus venisset Parisius pro suis negociis et ibi nos invenisset idem episcopus a nobis recepit homagium suum ibidem mera liberalitate sua de gratia speciali cum nos ad ipsum in terram suam in aliquo domiciliorum suorum non ipse ad nos propter hoc accedere teneamur Et quia nolumus quod istud eidem episcopo vel ejus successoribus possit prejudicium generare istas presentes litteras nostras eidem episcopo dedimus sigilli nostri munimine roboratas Actum Parisius anno Domini MCC septuagesimo primo die martis post festum beati Martini hyemalis