Charter Document - 02060110
| Charter Number: | 02060110 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1260 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.70) |
Charter:
Nos Robertus Dei gratia Nivernensis episcopus et nos frater Pontius abbas Sancti Loci Eduensis dyocesis Cysterciensis ordinis et nos frater Guillermus abbas Belli Vallis Nivernensis dyocesis Premontracensis ordinis notum facimus universis quod nobilis vir Johannes de Castellione en Bazois recognovit et recognoscit in presentia nostra propter hoc constitutus se tenere a venerabili patre Girardo Dei gratia Eduensi episcopo nomine episcopatus Eduensis castrum Glane et totam castellaniam ejusdem castri cum omnibus feodis tam infra dictam castellaniam quam extra existentibus possessionibus redditibus justiciis dominiis juribus et quibuscumque rebus aliis ad dictum castrum vel ejus castellaniam spectantibus Recognoscit et recognovit etiam se tenere in feodum a predicto Girardo episcopo Eduensi nomine episcopatus Eduensis ratione dictorum castri et castellanie feodum Castri Canini sicut dominus Castri Canini qui nunc est vel qui pro tempore fuerit tenet a dicto Johanne in feodum et de predictis omnibus predicto Girardo episcopo Eduensi homagium fecisse nomine episcopatus Eduensis salvo jure alieno Recognovit etiam et recognoscit predictus Johannes quod omnia supradicta de hereditate sua movent et sunt et movere dignoscuntur In cujus rei testimonium [] Actum anno Domini MCC sexagesimo mense octobri