Charter Document - 02060107
| Charter Number: | 02060107 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1266 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.69) |
Charter:
Nos Margarita Dei gratia regine Navarrie Campanie et Brie comitissa palatina notum facimus universis presentes litteras inspecturis quod cum felicis recordationis Theobaldus quondam rex Navarrie noster dominus et maritus dederit litteras suas olim patentes bone memorie Guidoni quondam episcopo Eduensi apud Pontem de Naiseles et Ansello Eduensi episcopo ejusdem Guidonis successori apud la Perriere continentes quod nullum fieret prejudicium eisdem vel ecclesie sue Eduensi vel eidem Theobaldo in futurum pro eo quod receperant homagium ejus prout in dicti nostri domini et mariti litteris super hoc confectis vidimus plenius contineri nos similiter postea venerabili patri Girardo Dei gratia Eduensi episcopo eorumdem Guidonis et Anselli successori dedimus has litteras patentes concedentes quod nullum fiat prejudicium eidem vel ecclesie sue predicte vel nobis pro eo quod recepit homagium nostrum apud Tresoy nec trahatur in consuetudinem quod homagium receptum fuerit ibidem In quorum testimonium [] Actum per nos apud anno Domini MCCLX sexto die veneris post Penthecostem