Charter Document - 02060105
| Charter Number: | 02060105 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1179 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p68) |
Charter:
Presentibus et futuris notum fieri volo ego Ida mater comitissa Nivernensis quod audito illo dominice vocis evangelico que seminaverit homo hec et metet quemdam locum qui dicitur domus Dei juxta Cersiacum munimen meum quoddam cum universis appenditiis suis et alia que ibi agmentavi scilicet prata vineas et nemus et terras hominesque ibi manentes et eos qui ibidem liberi de aliis locis advenerint et hospitari domosque facere voluerint pro salute anime filii mei Betheleemite Willermi et mee sanctissime nativitati Dominice libere et absolute dono concessi perpetuo Et quum duorum hominum vel trium testimonium verum est et autenticum testes ydoneos qui huic affuerunt dono interponi precepi Willermum capellanum meum Simonem camerarium meum Odonem Beraudi Gaudricum Regnaudum Beraudi Gaufridum presbiterum de Cersiaco Petrum prepositum Aclerinum favente et concedente Stephano Eduorum episcopo Ut autem ratum sit et inviolabile presentia scripta sigilli mei impressione muniri precepi Actum est hoc revera anno ab incarnatione Domini MCLXXVIIII Alexandro papa III Ludovico rege Francorum Stephano Eduorum episcopo