Charter Document - 02060099
| Charter Number: | 02060099 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Receipt |
| Date: | 1270 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p66) |
Charter:
Universis presentes litteras inspecturis ego Petrus de Belna vigerius Eduensis notum facio quod cum ego deberem et tenerer per juramentum meum recipere seu capere a reverendo in Christo patre domino Girardo Dei gratia episcopo Eduensi triginta libratas terre ad monetam Viennensem ego predictus Petrus meam vineam de la Serpentine sitam in finagio seu territorio de Savigneyo juxta vineam Morelli dicti Lorin ex una parte et juxta vineam relicte Durandi dicti lou Fel ex altera et a superiori parte juxta vineam Odonis Fabri de Belna quam vineam dico et assero valere quolibet anno triginta libras annui redditus ad dictam monetam et immunem ab omni honere censu et costuma et ab omnibus et a quolibet que vel quod impedire possent feodum capio in feodum a predicto domino episcopo necnon ecclesie seu sedis episcopalis Eduensis et confiteor per juramentum meum dictam vineam ex nunc feodalem esse dicte ecclesie seu sedis episcopalis Eduensis quod feodum teneor et promitto per juramentum meum super sancta Dei evangelia corporaliter prestitum et sub obligatione omnium bonorum meorum ubicumque sint et quocumque contra omnes garantire predicto domino episcopo et ecclesie sue supradicte et promitto per idem juramentum meum predictum dictum dominum episcopum ab omni actione et deceptione indampnem super hoc observare et si plus valeat dicta vinea volo quod nichilominus quod tota sit de feodo dicti domini episcopi et dicte sedis episcopalis Eduensis abrenuncians in hoc facto sub obligatione prestiti juramenti omnibus hiis que contra has presentes litteras possent obici sive dici et precipue juri dicenti generalem renunciationem non valere [] volens et concedens quod si quod absit contra predicta vel aliquod predictorum venirem quod dictus officialis vel ille qui pro tempore fuerit officialis me ad observanciam predictorum per censuram ecclesiasticam compellat necnon sigilla religiosorum virorum Michaelis abbatis Sancti Martini et Guillermi prioris Sancti Symphoriani Eduensis presentibus litteris facio et rogo apponi Nos vero predicti officialis abbas et prior ad requisitionem dicti Petri presentibus litteris sigilla nostra apposuimus in testimonium veritatis Datum et actum Edue anno Domini MCC septuagesimo mense augusti