Charter Document - 02060097
| Charter Number: | 02060097 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1264 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p66) |
Charter:
Nos frater Guillermus humilis abbas Sancti Martini et frater Guillermus humilis prior Sancti Symphoriani Eduensis notum facimus quod in nostra presentia propter hoc presentialiter constituti Johannes quondam filius domini Girardi de Ormanceyo militis defuncti Guillermus de Aceyo domicellus et Duceronna uxor dicti Guillermi soror predicti Johannis non coacti non circumventi ymo providi ac spontanei et pro urgenti necessitate eorumdem ut asseruerunt coram nobis vendunt concedunt et quittant reverendo patri Girardo Dei gratia episcopo Eduensi et suis successoribus episcopis Eduensibus quoddam pratum suum situm supra stagnum de Varennes juxta pratum Renaudi dicti Bouchenoire et juxta pratum Johannis filii Pelliparii pro XXX libris parvorum Dyvionensium eisdem venditoribus jam solutis ab eodem episcopo in pecunia numerata prout dicti venditores coram nobis confitentur quod pratum venditum dicti venditores asseruerunt coram nobis esse et movere de feodo dicti episcopi Quam venditionem promittunt coram nobis et tenentur per juramenta sua [] In cujus rei testimonium robur et fidem ad preces et instantiam dictorum venditorum nos predictus abbas sigillum nostrum et nos predictus prior sigillum Sancti Symphoriani litteris presentibus duximus apponenda Datum Edue et actum anno Domini MCCLX quarto mense januario