Charter Document - 02060096
| Charter Number: | 02060096 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1275 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p65) |
Charter:
Universis presentes litteras inspecturis nos decanus et capitulum Eduense notum facimus quod cum reverendus in Christo pater Girardus Dei gratia Eduensis episcopus nobis vendiderit pro certa pecunie quantitate medietatem tocius ville de Sauceyo versus Beligne super Oscharam Eduensis dyocesis cum appendiciis et pertinenciis juribus proventibus redditibus exitibus obventionibus dominiis justiciis et rebus aliis dicte medietatis ipsius ville quam acquisierat a nobili domino Johanne de Aligni milite nos decanus et capitulum supradicti damus et concedimus imperpetuum eidem domino episcopo quindecim libras terre ad Viennensem monetam annui redditus percipiendas de dictis redditibus proventibus exitibus obventionibus dicte medietatis ville nobis vendite convertendas et distribuendas annis singulis quousque advixerit idem episcopus in augmentationem misse Sancti Spiritus pro ipso domino episcopo celebrata in ecclesia nostra Eduensi et post decessum ipsius episcopi dicte quindecim libre in augmentationem anniversarii dicte episcopi in dicta nostra ecclesia Eduensi annis singulis imperpetuum faciendi convertantur et solventur predictos redditus et proventus ad hoc specialiter obligando Volumus etiam et concedimus domino episcopo memorato quod ipse teneat et possideat quamdiu vixerit pacifice et quiete domos et prata dicte medietatis nobis ab eodem vendite et quod habeat etiam plenarium usagium in totis nemoribus medietatis vendite predicte tam in panagio quam aliis sibi necessariis quibuscumque ita tamen quod post decessum suum dicte domus et prata preter XV libras predictas ad nos libere revertentur Volumus insuper et concedimus eidem quod ipse dum presens fuerit in civitate suburbio Eduensi aut in prioratu Sancti Symphoriani habeat quamdiu vixerit in nostra dicta ecclesia dupplices cotidie distributiones consuetas tam in denariis pane vino quam aliis que inibi distribui consueverunt In cujus [] Datum anno Domini MCC septuagesimo quinto mense novembri