Charter Document - 02060095
| Charter Number: | 02060095 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1263 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p65) |
Charter:
Nos Petrus archidiaconus magister Nicholaus de Luxovio officialis et Girardus de Draceyo archipresbiter Eduensis universis presentes litteras inspecturis notum facimus quod in nostra presentia propter hoc specialiter constitutus Guillermus de Lantillieres domicellus ex certa scientia vendit concedit et quitat imperpetuum reverendo patri Girardo Dei gratia episcopo Eduensi unam marcham argenti quam tenet in feodum ab eodem episcopo ratione episcopatus Eduensis pro XX libris Viennensium eidem Guillermo jam solutis ab eodem episcopo in pecunia legitime numerata prout idem Guillermus coram nobis publice confitetur Quam venditionem concessionem et quitationem dictus Guillermus promittit coram nobis et tenetur per juramentum suum super hoc in manu nostra corporaliter prestitum se firmiter tenere et inviolabiliter observare et contra per se vel per alium decetero non venire Dictus autem Guillermus nolens se recedere de feodo episcopatus Eduensis centum solidatas terre ad monetam Divionensem pro tempore currentem in recompensationem venditionis predicte accipit in feodum ab episcopo supradicto quas habet et possidet ut idem Guillermus asserit coram nobis in decima vini de Aygremont ita tamen quod si dicta decima vini centum solidatas terre singulis annis non valuerit dictus Guillermus deffectum supplere promittit coram nobis et tenetur se et suos heredes obligando ad faciendum homagium et fidelitatem in manu prefati episcopi seu episcopi Eduensis qui pro tempore fuerit de premissis centum solidatis terre prout heredes ipsius Guillermi succedent de herede in heredem Abrenuntiat siquidem coram nobis idem Guillermus sub religione sui prefati juramenti omni actioni exceptioni [] In cujus rei testimonium robur et fidem ad preces et instantiam ejusdem Guillermi nos prefatus archidiaconus sigillum nostrum nos predictus officialis sigillum curie Eduensis et nos predictus archipresbiter sigillum nostrum litteris presentibus duximus apponenda Datum et actum Edue die lune post Cathedram sancti Petri anno Domini MCCLX tertio