Charter Document - 02060093
| Charter Number: | 02060093 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1294 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p62) |
Charter:
In nomine Domini amen Anno incarnationis ejusdem MCC nonagesimo quarto mense junii ego Michelinus de Lucenaio sutor notum facio universis presentes litteras inspecturis quod ego sponte scienter et provide vendo trado concedo et quitto inperpetuum reverendo patri domino Hugoni Dei gratia Eduensi episcopo nomine suo et successorum suorum medietatem cujusdam domus orti retro dictam domum siti appendiciarumque et pertinenciarum dicte domus site in villa de Lucenaio que domus medietas partitur cum alia medietate dicte domus que est Guillermi filii mei et est juxta terram Guioti generi Perrini de Lucenaio clerici ex una parte et juxta domum Perrini Surdat ex altera pro precio sex decem librarum Viennensium de quibus a predicto domino episcopo emptore plenum et integrum pagamentum habui et recepi in pecunia numerata in utilitatem meam jam conversa Quare de predicta medietate domus fundi orti appendiciarum et pertinentiarum ipsius me penitus devestio [] Actum in presentia Pariseti de Sancto Gervasio clerici coadjutoris Hugonis de Sancto Poncio clerici Eduensis notarii Hugonis castellani de Lucenaio Guillermi filii mei et Johannis de Blanceio testium ad hoc vocatorum anno et mense predictis