Charter Document - 02060092
| Charter Number: | 02060092 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1291 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.60) |
Charter:
In nomine Domini amen Anno incarnationis ejusdem MCC nonagesimo primo mense octobri die sabbati in vigilia beatorum apostolorum Symonis et Jude ego Hugo de Visignerou domicellus notum facio universis presentibus et futuris quod cum Guiotus de Lieu domicellus teneat in feudum a Johanne domicello quondam filio domini Renaudi de Sarmace militis res que inferius annotantur [] et inter terras de Fretoy quoquo modo sit et dictus Johannes de Sarmace feudum predictum rerum et bonorum dicti Guioti predictorum teneat in feudum a me dicto Hugone et ego ipsum feudum teneam in feudum a reverendo in Christo patre Hugone Dei gratia Eduensi episcopo nomine sue ecclesie Eduensis prout ego confiteor et publice recognosco ego dictus Hugo sponte scienter et provide non coactus nec deceptus pro evidenti utilitate mea vendo trado quitto cedo et delibero imperpetuum sine aliqua retentione prefato domino episcopo et suis successoribus nomine sue ecclesie Eduensis predictum feudum et jus feudale cum omni jure quod possum habere in eodem pretio videlicet centum solidorum Turonensium quos propter hoc habui [] Actum in presentia Hugonis de Sancto Poncio clerici notarii Eduensis Colardi Chapelu Perrini de Sancto Martino Perrelli de Sedeloco et Perrini filii Colardi predicti testium ad hoc vocatorum anno mense et die predictis