Charter Document - 02060091
| Charter Number: | 02060091 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1291 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.59) |
Charter:
In nomine Domini amen Anno incarnationis ejusdem MCC nonagesimo primo mense marcio die sabbati ante annuntiacionem Dominicam ego Johannes domicellus condam filius domini Regnaudi de Sarmace militis notum facio universis presentibus et futuris quod cum Guiotus de Liou domicellus teneat et tenere debeat a me et meis in feudum res que inferius annotantur videlicet domum suam in qua moratur sitam in parochiatu de Lucenayo supra rippariam de Tarone inter molendinum heredum domini Hugonis de Gysort militis et molendinum dictum de Poyprent cum nemoribus sitis supra dictam domum et cum terris sitis circum circa dictam domum prout dicte terre partiuntur cum terris de Longo Campo et de Fretoy inter confinationes supradictas item prata sua sita subtus dictam domum juxta ripperiam de Tarone item prata sua sita in Coma de Fretoy juxta terras et prata de Fretoy item vineas suas in Coma de Fretoy juxta vineas hominum de Fretoy et generaliter quicquid juris seu proprietatis dictus Guiotus tenet et possidet inter dictos duos molendinos et inter terras de Longo Campo et terras de Fretoy necnon et in toto parochiatu de Lucenayo et castellania et ego dictus Johannes dictum feudum teneam in feudum et tenere debeam ab Hugone de Visignerou domicello prout ego confiteor et publice recognosco ego dictus Johannes sponte scienter et provide non coactus non deceptus pro evidenti utilitate mea vendo trado quitto cedo concedo et delibero pro me et meis imperpetuum sine aliqua retentione reverendo in Christo patri ac domino Hugoni Dei gratia episcopo Eduensi et suis successoribus nomine sue ecclesie Eduensis predictum feudum et jus feudale cum omni jure quod possum habere in eodem precio videlicet viginti librarum Turonensium quas propter hoc habui et recepi a dicto domino episcopo in pecunia numerata de quibus me teneo pro pagato Quare de dicto feudo et jure feudali vendito et de omni jure quod habeo in eadem me penitus devestio et dictum dominum episcopum et ejus successores nomine quo supra ob causam dicte venditionis investio corporaliter de eisdem per traditionem presentium litterarum et in plenum dominium ac veram possessionem vel quasi corporalem et vacuam induco totaliter de eisdem et transfero in dictum dominum episcopum et ejus successores nomine quo supra omne jus et omnem actionem quod et quam habeo aut possum habere omnimodo ratione in feudo supradicto quittans et nichilominus absolvens prefatum Guiotum et suos de fidelitate in qua mihi tenebatur ratione feudi supradicti volens et concedens quod dictus Guiotus de dicto feudo et jure feudali decetero respondeat dicto domino episcopo et ejus successoribus nomine quo supra prout mihi respondere solebat et debebat penitus de eodem promittens per juramentum meum [] In cujus rei testimonium sigillum dicte curie [domini ducis] litteris istis rogavi et obtinui apponi Actum in presentia Hugonis de Sancto Poncio clerici notarii Eduensis Colardi Chapelu Guillermi Porcheti et domini Johannis curati de Magobrio testium ad hoc vocatorum anno mense et die predictis