Charter Document - 02060087
| Charter Number: | 02060087 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1289 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p56) |
Charter:
In nomine Domini amen Anno incarnationis ejusdem MCC octogesimo nono die sabbati post estivale festum beati Martini mense julio ego Hugo de Reclennes domicellus notum facio universis presentes litteras inspecturis quod ego debeo reverendo in Christo patri Hugoni Dei gratia Eduensi episcopo triginta libras et decem solidos Turonensium ex causa mutui denariorum michi traditorum a dicto episcopo in pecunia numerata de quibus me teneo pro pagato pro qua pecunia melius persolvenda trado et delibero eidem episcopo in pignore seu gageria et titulo pignoris sive gagerie obligo et etiam ypotheco res et bona que secuntur scilicet quartam partem ville de Colungiis in perrochia de Reclennes cum pertinenciis et appendiciis dicte quarte partis et cum omni jure quod habeo in eisdem prout partitur pro indiviso cum dicto episcopo et cum Guioto de Gysort clerico item decem solidos qui michi debentur super manso de Pelepanaye item domum meam de Malpomier cum terris pratis et nemoribus circa dictam domum existentibus et ad ipsam pertinentibus et generaliter omnia illa que teneo et tenere debeo in feodum a dicto episcopo nomine ecclesie Eduensis ab ipso episcopo seu ejus successoribus omnia supradicta tenenda possidenda et habenda pacifice et quiete tanquam rem feodalem sine aliqua acquitatione dicti debiti facienda quousque fuerit satisfactum eidem vel ejus mandato de pecunia supradicta devestiens me de omnibus et singulis supradictis et dictum episcopum nomine quo supra investiens ratione gagerie promittens [] Actum in presencia Hugonis de Sancto Poncio notarii Eduensis Perrini de Sancto Martino Guillermo Chapon et Roberti de Rivello testium ad hoc vocatorum anno et mense et die predictis