Charter Document - 02060086

In nomine Domini amen Anno incarnationis ejusdem MCC octogesimo nono mense julio die jovis post festum beate Marie Magdalenes ego Guiotus de Gisort clericus notum facio universis presentes litteras inspecturis quod ego debeo reverendo in Christo patri Hugoni Dei gratia Eduensi episcopo triginta et quinque libras Turonensium ex causa mutui denariorum michi traditorum et deliberatorum per manum mandati dicti episcopi in pecunia numerata de quibus me teneo pro pagato pro qua pecunia melius persolvenda trado delibero obligo et etiam ypotheco dicto domino episcopo et suis successoribus in pignore seu gagerio et titulo pignoris seu gageria concedo penitus et precise totum illud quod teneo et tenere debeo in feudum a dicto domino episcopo in villa de Colongiis parochiatus de Reclenes prout partitur cum dicto domino episcopo et quod est de feudo dicti domini episcopi tantum videlicet medietatem pro indiviso mansi Laurentii de Colonges quem tenent Perrinus filius Robelin Guillermus filius Hugueniot et dictus Guillemoz item mansi seu tenementi Odeion quem tenet Estevenote uxor dicti Seguin item mansi Martin quem tenet Perrinus quondam filius Martini Daigoneaus et dictus Aymonins item mansi Germanet quem tenet Pasquelinus gener suus item mansi Opineaul quem tenet uxor sua Menjars et Hugo gener suus item mansi Regnaudi Cootein quem tenet Parisetus ejus filius item mansi Renaudi de Chalma quem tenet Guillermus ejus filius item mansi Hugonis le Boier cum fondo et pertinentiis medietatis pro indiviso dictorum mansorum et hominum seu tenementium eorumdem item medietatem pro indiviso unius galline costumalis que debetur super manso dompni Petri de Albergamento item medietatem pro indiviso quatuordecim gallinarum que debentur super dictis mansis annuatim item medietatem pro indiviso undecim solidorum et octo denariorum censualium qui debentur super villam de Colongiis et pertinentiis item medietatem pro indiviso decem et octo denariorum censualium sitorum super campos grangie de Chalmis de Colongiis item trium denariorum censualium sitorum super molendinum Porprant item duorum denariorum censualium sitorum super vineam en Come Renaut item trium denariorum censualium sitorum super campum des Tilles et medietatem unius bicheti avene costumalis ad mensuram de Lucenayo et trium denariorum censualium seu duorum et dimidii bicheti avene costumalis ad dictam mensuram sitorum super campum de Bruil et super ouschiam a la Torte et medietatem unius bicheti avene costumalis et duorum denariorum censualium sitorum super terram que sita est juxta cheminum quod ducit de Colonges apud Lucenaium quam tenent Robertus des Jors et Johannes filius Galteri de Vilers item medietatem unius bicheti avene costumalis ad predictam mensuram siti super terram de Alier et medietatem trium denariorum censualium sitorum super illam terram quam tenent Hugo li Boiers et participes et quatuor denariorum censualium sitorum super forestam au Moniat de Colonges quam tenet Thebauz de Vilers item unius denarii siti super terram sitam juxta pratum Lamberti quam tenet Germanauz et unius denarii censualis siti super terram sitam supra pratum Opineaul quam tenet dictus Dagoneaux item unius bicheti frumenti unius denarii census siti super domum et curtile que quondam fuerunt domini Arlerii de Colongiis militis cum omni jure quod habeo aut possum habere in omnibus et singulis predictis in dicta gageria contentis devestiens me de omnibus predictis et dictum dominum episcopum et suos successores ob causam dicte gagerie investio corporaliter de predictis ab ipso domino episcopo et ejus successoribus omnia supradicta tenenda possidenda et habenda pacifice et quiete tanquam rem feudalem sine acquitatione quousque eidem domino episcopo vel ejus mandato fuerit de dicto debito integre satisfactum promittens per juramentum meum prestitum corporale et sub obligatione omnium bonorum meorum contra predictam gageriam decetero non venire quamdiu dictus dominus episcopus eam tenebit ratione debiti supradicti voloque compelli ad premissorum observantiam quasi ex re adjudicata per curiam domini ducis Burgundie cujus juridictioni suppono me quo ad hoc heredes meos et omnia bona mea sine reclamatione alterius curie sive fori In cujus rei testimonium sigillum dicte curie litteris istis rogavi et obtinui apponi Actum in presentia Hugonis de Sancto Poncio clerici notarii Eduensis Perrini de Sancto Martino Galteri Bardouz et Guillermi de Mayne clerici testium ad hoc vocatorum anno et mense et die predictis