Charter Document - 02060068
| Charter Number: | 02060068 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1290 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.43) |
Charter:
In nomine Domini amen Anno incarnationis ejusdem MCC nonagesimo mense aprilis ego Gileta quondam filia Girardi Cambellani de Sedeloco notum facio omnibus presentes litteras inspecturis et audituris quod ego sponte provide sine vi metu dolo et aliqua circumventione laude scilicet consensu et assensu Roberti mariti mei et titulo pure perpetue perfecte ac irrevocabilis venditionis trado et penitus quitto pro me et meis heredibus reverendo in Christo patri Hugoni divina permissione episcopo Eduensi pro se et ejus successoribus nomine sedis episcopalis Eduensis quatuordecim stallos cum pratello inferius dictorum stallorum sito et cum arboribus fundis juribus et pertinentiis eorum sitorum apud Sedelocum juxta domum Colini Martini ex una parte et juxta cheminum publicum ex altera et juxta stallos qui fuerunt Margarite sororis mee quam venditionem feci pretio viginti librarum Turonensium de quibus solutionem integram et perfectam habui et recepi a dicto domino episcopo in pecunia numerata et me teneo de eisdem pro pagata penitus et contenta Quare de predictis omnibus et singulis superius venditis me et heredes meos penitus devestio et dictum dominum episcopum pro se et suis successoribus nomine dicte sedis corporaliter de eisdem confitens et asserens per juramentum meum [] In cujus rei testimonium litteris istis sigillum dicte curie rogavimus et obtinuimus apponi Actum in presentia Hugonis de Cabilone notarii Dyvionensis Bertherii filii Ruphe de burgo Dyvionensi clerici et Huoti de Sancto Stephano testium ad hoc vocatorum anno et mense supradictis