Charter Document - 02060067
| Charter Number: | 02060067 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1271 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.43) |
Charter:
Ego Guillermus de Sedeloco major Sedelocensis filius quondam Gaufridi de Sedeloco militis et domine Agnetis ejus uxoris defunctorum notum facio universis presentes litteras inspecturis quod ego teneo in feodum a venerabili in Christo patre Girardo Dei gratia Eduensi episcopo nomine seu ratione ecclesie Eduensis res et possessiones que hic inferius annotantur videlicet majoriam sergenteriam et messeriam de Sedeloco et jura earumdem item nemora mea de Monlese item quicquid habeo et possideo apud Montbrion apud Sanctum Leodegarium et apud Verille et in toto dominio et in justicia de Sedeloco tam in costumis pratis terris nemoribus hominibus justiciis et juribus quam in rebus aliis quibuscumque item teneo in feodum legium a dicto domino episcopo Eduensi nomine seu ratione predicte ecclesie Eduensis villam de la Guaite et quicquid habeo et possideo apud la Guaite villam predictam Et de omnibus hiis et singulis supradictis sive feodo dicto domino episcopo nomine suo et sue ecclesie Eduensis intravi in homagium suum de predictis In cujus rei testimonium sigillum venerabilium virorum domini Petri archipresbiteri Eduensis domini Guillermi Patru decani et domini Guillermi cantoris ecclesie Sedelocensis litteris presentibus feci et rogavi apponi ad perpetuam memoriam predictorum Nos vero prefati archipresbiter decanus et cantor ad instanciam et preces predicti Guillermi majoris Sedelocensis sigilla nostra presentibus litteris duximus apponenda Actum apud Sedelocum anno Domini MCC septuagesimo primo mense junii die martis ante festum beati Barnabe apostoli