Charter Document - 02060064
| Charter Number: | 02060064 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1279 |
| Date type: | Internal, A.D., Feast, Lunar |
| Resource Link(s): |
Archives départementales de Saône-et-Loire - G 443 (p.41) |
Charter:
Nos Guillermus Patruz decanus Sedelocensis et nos magister Petrus de Sedeloco archipresbiter de Sinemuro notum facimus universis presentes litteras inspecturis quod in nostra presentia specialiter constitutus dominus Guillermus de Sedeloco miles filius condam domini Gaufridi de Sedeloco militis defuncti asserens reverendum in Christo patrem Girardum Dei gratia episcopum Eduensem sibi teneri obligatum in IIIe libris Turonensium occasione et ratione vendicionis sue prepositure de Sedeloco et sue tercie partis quam habebat in emendis de Sedeloco et omnium rerum ut jurium appendiciarumque et pertinenciarum predicte prepositure quecumque sint et quocunque modo censeantur item ex vendicione domus sue site in castro de Sedeloco retro domum predicti episcopi appendiciarumque et pertinenciarum dicte domus item messerie sue de Sedeloco nemorum suorum et terrarum et omnium aliarum rerum quecumque sint et quocunque nomine censeantur quas habebat idem miles aut habere poterat in justicia et dominio de Sedeloco et omnium rerum quas habebat aut habere poterat et debebat quocunque titulo seu racione in nundinis de Sedeloco que omnia predicta erant et movebant de feodo domini episcopi supradicti ut idem miles asseruit coram nobis et quam vendicionem omnium premissorum idem Guillermus miles predicto domino episcopo et suis successoribus coram nobis asseruit se fecisse non cohactus non deceptus nec in aliquo circumventus sed ex certa scientia publice et in jure coram nobis recognovit et confessus fuit de predictis IIIe libris ab eodem domino episcopo gratum suum et plenariam solutionem habuisse et recepisse in pecunia numerata legitime de quibus etiam IIIe libris predicte monete idem Guillermus miles predictum dominum Eduensem episcopum suosque successores et ecclesiam suam Eduensem et heredes suos si eosdem contingeret pro dicto domino episcopo in aliquo obligari quittat imperpetuum et absolvit coram nobis In cujus rei memoriam et testimonium ad preces et requisitionem ipsius Guillermi militis sigilla nostra duximus presentibus apponenda Datum et actum anno Domini MCC septuagesimo nono die lune post festum beati Mathei apostoli