Charter Document - 02060061

Universis presentes litteras inspecturis ego Guillermus filius Garnerii de Syverio et Margarete uxoris quondam dicti Garnerii notum facio quod ego pro ingenti et evidenti utilitate mea non vi non metu nec dolo inductus nec in aliquo circumventus sed spontaneus et provisus vendo et in hereditatem perpetuam quitto penitus et precise reverendo patri in Christo ac domino Girardo Dei gratia Eduensi episcopo quadraginta jornalia terre arabilis sita in finagio et territorio de Comme Sonot inter territorium Vallis de Moloingne ex una parte et territorium de Comaignon ex altera et juxta territorium d'Aigremont item XII denarios censuales in Marcio persolvendos sitos super duos selliones terre sitos in territorio de Barnay inter domum dicti Gradepein ex una parte et forgiam Guillermi quondam filii Seguini fabri ex altera item unum bichetum avene costumalem ad mensuram de Arneto situm super dictos duos selliones terre et quicquid juris habeo habere possum et debeo in territorio et finagio supradictis item vendo in hereditatem perpetuam et quitto dicto domino episcopo Eduensi XII operatas vinee sitas in dicto territorio de Comme Sonot inter vallem de Moloigne ex una parte et territorium de Comaignon ex altera que omnia et singula supradicta sunt et movent de feudo legio dicti reverendi patris domini episcopi Eduensis pro XV libris Viennensium quas recepi et habui a dicto reverendo patre in pecunia numerata et de eisdem me teneo penitus pro pagato Quapropter ego predictus Guillermus me de predictis devestiens dictum reverendum patrem et successores ejus corporaliter investivi in ipsum totum jus tam possessionis quam proprietatis universaliter transferendo Hanc autem venditionem et quittationem ego predictus Guillermus facio laude et assensu predicti Garnerii patris mei in cujus averia tutela vel cura existo Quocirca nos predicti Garnerius et Guillermus promittimus per juramenta nostra [] In cujus rei testimonium sigilla venerabilium virorum fratris Renerii prioris Sancti Jacobi de Arneto magistri Egidii archipresbiteri Sancte Marie de Bosco et Girardi archipresbiteri de Arneto presentibus litteris rogavimus et obtinuimus apponi et presentes litteras dicto reverendo patri dictorum sigillorum munimine tradidimus roboratas Et nos prior et archipresbiteri predicti ad preces et requisitionem dictorum Garnerii et Guillermi sigilla nostra presentibus litteris duximus apponenda Actum anno Domini MCC septuagesimo sexto mense julii