Charter Document - 02060060
| Charter Number: | 02060060 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1258 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p39) |
Charter:
In nomine Domini amen Anno incarnationis ejusdem MCC quinquagesimo octavo mense aprilis nos Guido Perrellus Guillermus et Bona Domina liberi et heredes domini Galteri de Arconceyo militis defuncti existentes in nostra penitus libera potestate et omnino juris nostri per sacramentum nostrum super sancta Dei evangelia prestitum corporale notum facimus omnibus presentes litteras inspecturis quod nos pro evidenti et urgenti utilitate nostra vendidimus concessimus et quittavimus in hereditatem perpetuam venerabili patri ac domino Girardo Dei gratia episcopo Eduensi quicquid habemus quoquomodo poteramus et debebamus tam in villa quam in finagiis et pertinenciis de Mulins libere de proprio alodio ab eodem domino episcopo et successoribus suis tenendum imperpetuum pacifice et etiam possidendum vendidimus etiam concessimus atque quittavimus in hereditatem perpetuam predicto domino episcopo quicquid habebamus et tenebamus de feodo Girardi dicti de Vianges domicelli in villa et finagio de Muloz in omnibus bonis et commodis quibuscumque venditionem autem concessionem et quittationem predictorum omnium fecimus predicto domino episcopo precio quadraginta librarum monete Divionensis de quibus plenam perfectam et integram solutionem recepimus et habuimus in pecunia numerata et propter hoc de predictis omnibus et singulis superius venditis nos omnino devestimus [] salvo nobis et nostris feodo domini Pontii de Arconceyo militis et salvo nobis quod contra dictum Girardum de Vianges vel fratres ejus non tenemur dicto domino episcopo vel ejus successoribus garantiam aliquam portare supra dictis rebus de Muloz de feodo ejusdem Girardi moventibus Promittimus etiam et quilibet nostrum in solidum et pro toto sub obligatione et sacramento predictis nos pro ipso domino episcopo et suis successoribus semper et ubique locorum et in omni curia contra personas omnes alias opponere propter hoc et respondere [] In quorum testimonium presentibus litteris sigilla virorum venerabilium domini Petri abbatis Sancti Benigni et magistri Alberici decani Christianitatis Dyvionensis fecimus apponi Actum anno et mense predictis