Charter Document - 02060059
| Charter Number: | 02060059 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1276 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.38) |
Charter:
Universis presentes litteras inspecturis nos Johannes de Arconceio miles et Guillermus domicellus ejus filius notum facimus quod cum reverendus in Christo pater Guido Dei gratia episcopus quondam Eduensis nobis teneretur in quadam marcha argenti pro quadam parte decime Toysiaci quam acquisivit dictus Guido ab antecessoribus Helisabet quondam uxoris mei Johannis et matris quondam mei Guillermi pro qua marcha argenti reverendus in Christo pater Anxellus Dei gratia quondam episcopus Eduensis successor dicti Guidonis assignavit michi Johanni quatuor libras Dyvionnensium singulis annis imperpetuum michi et meis heredibus in ramis palmorum persolvendas in recompensatione dicte marche argentee de abonamento de Sedeloco nos prefati Johannes et Guillermus pro utilitate et necessitate nostra vendimus tradimus et concedimus imperpetuum penitus et precise reverendo in Christo patri ac domino Girardo Dei gratia Eduensi episcopo illas quatuor libras Dyvionensium que michi Johanni erant assignate de abonamento Sedeloci a reverendo patre Anxello Dei gratia quondam Eduensi episcopo supradicto pro precio viginti quinque librarum Viennensium bonarum et legalium quas recepimus et habuimus nos Johannes et Guillermus predicti a dicto reverendo patre Girardo Dei gratia Eduensi episcopo in pecunia legittime numerata et de ipsis nos tenemus plenarie pro pagatis Quare tenemur et promittimus per juramenta nostra super sancta Dei evangelia corporaliter prestita et super omnia bona nostra mobilia et immobilia ubicumque fuerint [] In cujus rei testimonium nos Johannes et Guillermus supradicti prefato domino Girardo Eduensi episcopo presentes damus litteras sigillis virorum venerabilium domini Nicholai archidiaconi Eduensis et domini Guillermi decani ecclesie Sedelocensis ad preces nostras et instancias roboratas Et nos Nicholaus archidiaconus et Guillermus decanus supradicti ad preces et rogatum dictorum Johannis et Guillermi sigilla nostra presentibus litteris duximus apponenda in testimonium veritatis Actum et datum anno Domini MCC septuagesimo sexto mense maii