Charter Document - 02060049
| Charter Number: | 02060049 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1291 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p34) |
Charter:
In nomine Domini amen Anno incarnationis ejusdem MCC nonagesimo primo mense julyo ego Poncetus domicellus de Grignione dictus de Mota notum facio universis presentes litteras inspecturis quod ego sponte et provide pro magna necessitate mea et pro meo commodo evidenti vendo cedo quitto imperpetuum penitus et concedo reverendo in Christo patri et domino Hugoni Dei gratia episcopo Eduensi et successoribus suis quadraginta solidos Viennensium annui et perpetui redditus in quibus dominus episcopus suo et successorum suorum et ecclesie Eduensis nomine mihi tenebatur et pro quibus eram homo feudalis ipsorum et ecclesie supradicte et tenebar eisdem ad servicium feudale pro decem libris Viennensium mihi a predicto Domino episcopo in numerata pecunia legittime persolutis et de quibus me teneo pro pagato penitus et contento item et pro quittatione et absolutione mihi facta de predicto servicio et hominagio feudali exceptioni dicte pecunie non numerate non tradite et non habite spei future numerationis traditionis et habitionis renuncians in hac parte penitus et expresse promittens per juramentum [] Actum in presentia Laurentii de Monte Barro notarii dicte curie [domini ducis] domini Guillermi dicti Cassote presbiteri de Grignione Johannis de Turre Guidonis de Toyre Guidonis dicti Baalo domicellorum et Michaelis dicti Caillier de Tullione testium ad hoc vocatorum anno et mense predictis