Charter Document - 02060048
| Charter Number: | 02060048 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1291 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p33) |
Charter:
Nos Johannes de Sinemuro illustris principis Roberti ducis Burgundie clericus notum facimus universis quod in nostra presentia propter hoc specialiter constitutus die jovis post octabas beati Remigii anno Domini MCC nonagesimo primo dominus Girardus de Thoisey miles confessus est in jure coram nobis se consideratis meritis et beneficiis sibi a reverendo in Christo patre Hugone Dei gratia episcopo Eduensi multipliciter impensis dedisse concessisse et imperpetuum pro se et suis heredibus quittavisse dicto domino episcopo nomine sedis episcopalis Eduensis feoda que ab ipso domino Girardo tenent et tenere debent Hugo Fuchoz et Benvenuta relicta Seguini Morin et heredes predicti Seguini apud Macons et apud a la Mer et in toto parochiatu Sancti Martini de la Mer [tam] in hominibus terris pratis tailliis costumis decimis corveiis pascuis pasturis quam in omnibus aliis et singulis commodis quibuscumque cum omni jure quod ipse Girardus habet et habere potest in eisdem que omnia dictus Girardus coram nobis asseruit esse et movere de retrofeodo sedis episcopalis Eduensis supradicti promisitque coram nobis dictus Girardus se contra donationem concessionem et quittationem predictas per se vel per alium de cetero non venire facto verbo [] Datum et actum coram nobis presentibus domino Milone de Sinemuro canonico Lugdunensi fratre meo et Colardo dicto Chapelu testibus ad hoc specialiter vocatis et rogatis