Charter Document - 02060047

Universis presentes litteras inspecturis nos Perrinus dictus Portex de Thoseyo Belona ejusdem Perrini uxor Menjardis eorumdem Perrini et Belone filia ac Guillermus dictus Galois prefate Menjardis maritus notum facimus quod nos non vi non metu non dolo inducti non decepti in aliquo vel defraudati sed spontanei provisi et consulti ac pro evidenti utilitate nostra vendimus et nomine venditionis in hereditatem perpetuam episcopatus Eduensis tradimus precise concedimus et quittamus reverendo patri in Christo Hugoni miseratione divina episcopo Eduensi medietatem molendini et bastatorii sitorum in ripparia de Baigne cum omnibus juribus appendiciis et pertinenciis dicte medietatis item omnes costumas et omnes census quas et quos habemus et habere possumus aut debemus in villis de Thoseyo et de Varennes videlicet decem sextarios tres boissellos minus item tres solidos costumales cum decem sextariis tribus boissellis minus avene et decem solidos censuales item omnes tercias nostras quas habemus et habere possumus aut debemus in finagiis dictarum villarum de Thoseyo et de Varennes quas acquisivimus a defuncto domino Girardo de Ormanceyo milite et ejus heredibus Hanc siquidem traditionemque concessionem et quittationem eidem reverendo patri facimus pro LX et VIII libras Viennensium de quibus ab eodem reverendo patre pagamentum recepimus integrum et perfectum in pecunia legittime numerata de quibus supradictis sic a nobis venditis nos omnino de vestientes ipsum reverendum patrem per traditionem presentium corporaliter investimus de eisdem promittentes [] nos et heredes nostros obligantes et juridictioni curie archidiaconi Avalonensis supponentes in hoc facto [] In cujus rei testimonium sigillum dicte curie presentibus litteris rogavimus et obtinuimus apponi Datum die mercurii post octavas Penthecostes anno Domini MCC octogesimo septimo