Charter Document - 02060046

Nos Johannes de Sinemuro illustris principis Roberti ducis Burgundie clericus notum facimus universis presentes litteras inspecturis quod in nostra presentia propter hoc personaliter constituti anno Domini MCC nonagesimo mense octobri dominus Girardus de Thoyseyo miles et Henricus cantor Sedelocensis ecclesie ejusdem Girardi filius confessi fuerunt et asseruerunt coram nobis se pro utilitate et necessitate sua ac etiam suo commodo evidenti titulo pure perpetue ac irrevocabilis venditionis vendidisse tradidisse et imperpetuum pro se et suis heredibus quittavisse reverendo in Christo patri domino Hugoni Dei gratia episcopo Eduensi omnia illa et singula que ipsi et eorum alter habent et habere possunt communiter et divisim in villa et castellania Thoseii in appenditiis et territoriis ville et castellanie predictarum item et quicquid ipsi et eorum alter habent et habere possunt apud Luz la Gayte et specialiter et expresse ea omnia que hic inferius continentur videlicet preposituram Thoyseii cum suis juribus et pertinentiis universis item octavam partem duarum partium quam in decimis Thoiseii se habere asseruerunt coram nobis exceptis duobus sextariis frumenti et avene per medium que religiosis de Brolio debentur super octava parte duarum partium decime supradicte item omnes costumas quas ipsi habent apud Thoyseium apud Vernoy et apud Goiz quas valere viginti et octo sextaria avene coram nobis extimarunt item pratum de la Comme item pratum prepositi item pratum a la Pitoise item pratum de Morilon item omnes terras gaigniabiles et arabiles quas ipsi habent et habere possunt in finagio territorio et pertinentiis ville et castellanie predictarum item boscum de Moile Blanche item domum et porprisium suum de Thoyseyo item grangiam de Morilon et exclusas subtus grangiam supradictam item plateas et calmas que sunt inter cheminum de Stanno et cheminum de Brulat item stannum subtus le Brulat item triginta solidos annui redditus que sibi debentur in villa de Thoiseyo et in appenditiis tam de censu quam de abonamento et generaliter omnia illa et singula que ipsi et eorum alter habent habere possunt et debent in villa castellania et locis superius nominatis et pertinentiis eorumdem tam in domibus mansis terris pratis vineis costumis censivis terciis decimis redditibus furnis molendinis corveiis aquis aquarum decursibus nemoribus justiciis magnis et parvis forefactis quam in omnibus aliis et singulis commodis quibuscumque et quocumque nomine censeantur que omnia et singula supradicta esse et movere de feudo sedis episcopalis Eduensis predicti Girardus et Henricus coram nobis asseruerunt ac etiam affirmaverunt de quibus omnibus et singulis in predicta venditione ut predictum est contentis pridicti Girardus et Henricus se et suos devestiverunt coram nobis et predictum dominum Eduensem episcopum pro se et suis successoribus investiverunt de eisdem salvis tamen predicto Girardo in rebus in predicta venditione contentis sexaginta solidatis terre ad Viennensem quas ipse coram nobis retinuit pleno jure quo ad proprietatem et etiam usum fructum in rebus inferius nominandis de quibus sexaginta solidatis terre dictus Girardus suam pro anniversario suo faciendo poterit facere voluntatem in quibus coram nobis inferius nominandis predicti Girardus et Henricus et eorum quislibet ultra predictas sexaginta solidatas terre a rebus in predicta venditione contentis exceptas de voluntate predicti domini Eduensis episcopi retinent usum fructum in eo videlicet quod ex rebus inferius nominandis supererit detractis primitus predictis sexaginta solidatis terre ad Viennensem ad dictum Girardum pertinentibus ut superius est premissum in quibus ipsi Girardus et Henricus prius detractis predictis sexaginta solidatis terre et ille eorum qui supervivet insolidum quamdiu ambo ipsi vel eorum alter vixerint coram nobis retinuerunt usum fructum Res autem in quibus dictus Girardus pro se sexaginta solidatas terre et Henricus usum fructum cum predicto Girardo coram nobis retinuerunt hec sunt videlicet prepositura Thoiseii cum suis juribus universis item terre gaigniabiles et arabiles contente in venditione presenti item pratum a la Pitoise item pratum de Morilon item boscus de Moile blanche item domus sua cum toto porprisio ejusdem item chalme plathee et excluse circa porprisium memoratum item census predicti item quatuor sextarios avene super costumis memoratis exceptis tamen ab hujusmodi retentione terris gaignalibus et arabilibus quas predicti Girardus et Henricus habent et habere possunt ultra la Louere et ultra Brolium quas terras ad quadraginta et octo jornalia vel circa predicti Girardus et Henricus extimarunt coram nobis que terre a predicta retentione excepte ad predictum dominum Eduensem episcopum pleno jure quo ad proprietatem et ad usum fructum pertinebunt absque aliqua reclamatione in eisdem a dictis Girardo et Henrico decetero facienda Quam quidem venditionem omnium et singulorum predictorum predicto domino Eduensi episcopo coram nobis fecerunt Girardus et Henricus memorati pretio quatercentum quinquaginta et novem librarum et decem solidorum Dyvionensium de quibus solutionem plenariam perfectam et integram a dicto domino episcopo ut asseruerunt coram nobis receperunt et habuerunt in pecunia legittime numerata et de eisdem se tenuerunt coram nobis plenarie pro pagatis penitus et contentis Quare promiserunt dicti venditores quilibet eorum insolidum per juramenta sua super sancta Dei evangelia corporaliter prestita et sub obligatione omnium bonorum suorum mobilium et immobilium presentium et futurorum ubicumque existentium omnia et singula supradicta in predicta venditione contenta predicto domino Eduensi episcopo et suis successoribus contra omnes et specialiter contra dominam Mathildem uxorem predicti Girardi et matrem predicti Henrici cantoris Sedelocensis ecclesie perpetuo pacifice et quiete garantire deffendere et tenere in pace in judicio vel extra judicium suis propriis sumptibus et expensis si qui calumpniatores aut rebelles quod absit decetero apparerent et pro predicto domino episcopo Eduensi et ejus successoribus se opponere deffensorem in omni curia coram quocunque judice et onus litis se suscipere et transferre et facere et prestare ante litem contestatam et post expectata vel non expectata diffinitiva sententia seu denuntiatione aliqua omnia que in causa evictionis seu dampni illati debent fieri et in nullo contraire decetero per se vel per alium facto verbo consensu vel opere in judicio vel extra judicium nec alicui contravenire volenti in aliquo consentire Renuntiant etiam [] Actum coram nobis Johanne de Sinemuro predicto presentibus domino Petro curato de Sauciaco domino Johanne de Toyseyo presbitero Petro rectore domus Dei de Sinemuro testibus ad hoc vocatis anno Domini MCC nonagesimo mense octobri