Charter Document - 02060045
| Charter Number: | 02060045 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1201 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.31) |
Charter:
Ego Guillermus dominus Montis Sancti Johannis notum facio presentibus et futuris quod pro anima patris mei et pro anniversario suo in ecclesia beati Nazarii deinceps faciendo laudante et consentiente Duca uxore mea dedi et concessi in perpetuam elemosinam eidem [ecclesie] et capitulo centum solidos qui mihi debebantur ab episcopo in cassamento pro pace Thosiaci Nolens etiam quod casamentum illud deficeret omnino loco illius accepi a domino Galtero episcopo in casamento villam que dicitur Colungie in valle Montis Sancti Johannis sitam Dedi etiam prescripte ecclesie et capitulo in elemosinam perpetuam mansum unum apud Villiacum scilicet mansum Laterial cum heredibus suis et alium apud Vevram videlicet mansum Bareignie cum heredibus suis Laudavi etiam et confirmavi imperpetuum cum fratre meo Poncio elemosinam quam Hugo frater meus cantor Eduensis stabilivit apud Villiacum in costumis avene scilicet et denariis censualibus pro anima fratris mei Stephani Montis Sancti Johannis domini Ut autem donatio firma in posterum et stabilis permaneat presenti cartule sigillum meum apponi feci Nec pretermittendum duxi quod propter donationem centum solidorum supradictorum non mutuatur aliquid de consuetudinibus que habentur inter me et dominum episcopum Eduensem et castella Montis Sancti Johannis et Thosiacum Est hoc anno incarnationis Dominice MCC primo