Charter Document - 02060032
| Charter Number: | 02060032 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1271 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p25) |
Charter:
Nos Radulphus humilis abbas Fonteneti et Regnaudus archipresbiter Duysmi Eduensis dyocesis notum facimus universis presentes litteras inspecturis quod in nostra presentia propter hoc specialiter constituta Emenjardis relicta Guidonis de Mavillo quondam prepositi ipsius loci tutrix Agnetis et Adeline communium liberorum ipsorum prudens et spontanea non vi non dolo ad hoc inducta nec in aliquo circumventa nec decepta ut asserit pro urgenti necessitate et utilitate sua evidenti ac dictorum liberorum suorum vendit quittat cedit et concedit imperpetuum reverendo patri ac domino Girardo Dei gratia Eduensi episcopo et successoribus suis in ecclesia Eduensi justo pretio quadraginta librarum viennensium de quibus se tenet et habet plene et integre pro pagata a predicto domino episcopo vel mandato suo in denariis numeratis sibi deliberatis et pro illa parte debiti quam debebat eidem domino episcopo predictus Guido ratione debiti magistri Johannis dicti lou Kayn prata sua de la Noe cum prato quod vulgariter appellatur li Closeaus Mavilli et quicquid juris in pratis predictis predicta tutrix et liberi sui habent vel habere possunt et debent quoquomodo in eisdem nichil juris vel rationis retinendo in predictis et quia fructus seu fenum duorum annorum futurorum predictorum pratorum erant obligata per predictum Guidonem Girardo clerico dicto Audon Varnerio et Hueto majori dou chemin d'Ayse communiter promittit dicta relicta et tenetur satisfacere predicto domino episcopo et redere pretium quod ipse predictis Girardo Audon Varnerio et Hueto satisfaciet seu reddet ratione fructuum duorum annorum predictorum In cujus rei testimonium nos predicti abbas et archipresbiter ad requisitionem et mandatum dicte relicte sigilla nostra duximus apponenda presentibus litteris Datum anno Domini MCC septuagesimo primo die veneris post pascha