Charter Document - 02060016
| Charter Number: | 02060016 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Return |
| Date: | 1273 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.19) |
Charter:
Universis presentes litteras inspecturis nos frater Guillermus humilis abbas Oingiaci Guillermus Patrus decanus Sedelocensis magister Petrus archipresbiter et canonicus Eduensis magister Johannes de Palma archipresbiter Flavigniacensis magister Gerardus archipresbiter Duysmi Al rector domus Dei de Nailleo G rector domus Dei de Flavigneio notum facimus quod cum reverendus in Christo pater dominus Girardus Dei gratia episcopus Eduensis tenuisset et habuisset teneret etiam et haberet claves ville et abbatie de Flavigneio ac fortaliciorum earumdem et firmaret cum dictis clavibus et de firmaret per voluntatem portas et hostias ville abbatie et fortaliciorum earumdem idem dominus episcopus nobis presentibus et adhuc ab ipso vocatis dictas claves reddidit et tradidit fratri Guillermo abbati Flavigniacensi apud Flavigneum in platea dicti domini episcopi die martis post festum beati Luce evangeliste anno Domini MCC septuagesimo tertio et idem abbas Flavigniacensis dictas claves recepit de manu predicti domini episcopi custodiendas et servandas pluribus etiam monachis Flavigniacensibus clericis et laicis ad hoc presentibus In cujus [] Datum anno et die predictis