Charter Document - 02060015

Nos frater Guillermus humilis abbas Oingiaci et nos Huo prepositus Petrus archidiaconus Johannes senescalcus Johannes Breissandi Petrus archipresbiter canonicus Eduensis et nos Guillermus decanus Sedelocensis et nos magister Girardus officialis archidiaconi Flavigniacensis et nos magister Aymo de Pemis notum facimus quod anno Domini MCC septuagesimo II die jovis post festum omnium Sanctorum circa horam terciam in aula magna abbacie Flavigniacensis juxta claustrum requisivit ibidem reverendus in Christo pater Girardus Dei gratia episcopus Eduensis nomine suo et ecclesie sue Eduensis ac peciit a fratre Guillermo abbate Flavigniacensi presentibus ibidem cum ipso abbate fratribus Herverio priore Sine Muri G priore Colcarum ac pluribus aliis monachis Flavigniacensibus claves portarum et fortaliciorum ville et abbacie Flavigniaci in hunc modum domine abbas vos estis abbas Flavigniacensis et ego sum episcopus Eduensis et estis homo noster de villa et abbacia Flavigniaci et tenemini per juramentum et fidelitatem quas nobis tenemini nobis reddere deliberare et tradere claves ville et abbacie Flavigniaci et fortaliciorum nos requirimus vos quod nobis tradatis reddatis et deliberatis dictas claves Qui dictus abbas Flavigniacensis respondit domine libenter reddemus vobis dictas claves Et vocans idem abbas quemdam famulum suum dixit ei affer mihi omnes claves portarum et fortaliciorum Quas cum detulisset tradidit dicto abbati et eas accipiens dictus abbas Flavigniacensis reddidit tradidit et deliberavit eas in manu ipsius domini episcopi Eduensis ita dicendo domine verum est quod ego sum homo vester et teneor vobis ad fidelitatem per juramentum meum nec pro aliquo degerarem ego reddo et trado vobis istas claves sed quod ego et predecessores mei alias tradidimus et reddidimus et tenemur rogans eumdem dominum episcopum dicens domine alia vice ipse reddidi et tradidi vobis istas claves vos posuistis in turre que est super dormitorium quemdam custodem vestrum seu vigilem qui ita clamabat de nocte quod non permittebat dormire conventum nostrum rogo vos quod talem ibi ponatis qui dormitionem conventus non perturbe Quo facto dictus dominus episcopus abiit ad domum suam episcopalem de Flavigniaco in manu sua ad dictam domum suam dictas claves pandentes in quodam baculo quas sibi reddiderit abbas Flavigniacensis supradictus et predictus dominus episcopus misit et posuit in instanti familiam suam et servientes suos ad portas et fortalicia ville et abbacie predictarum presentibus videntibus et audientibus omnia et singula supradicta nobis omnibus prenominatis necnon domino Hodone canonico Sancte Margarete domino G canonico Oingiaci domino G de Tornodoro presbitero domino G dicto Marescallo presbitero Symone canonico Belle Ville magistro J Rivere de Sedeloco magistro G clericis dicti domini episcopi Eduensis P de Salvia R dicto de Lucenay et Gileto de Petraria clericis O de Alysia P de Visineul J de Chaudenay et J Curot camerario domicellis P balistario Flavigniacensi monacho de abbacia Flavigniacensi J Bonne Mere Th de Marchiseul domino H de Salmacia nunc vicario Flavigniacensi Co dicto Sabrant et G de Thosiaco ac pluribus aliis clericis et laicis ad hoc vocatis In cujus rei testimonium [] Datum et actum anno et die quibus supra