Charter Document - 02060013
| Charter Number: | 02060013 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1272 |
| Date type: | Internal, A.D., Feast, Lunar |
| Resource Link(s): |
Archives départementales de Saône-et-Loire - G 443 (p.17) |
Charter:
Nos P[etrus] archidiaconus magister N[icholaus] officialis et magister P[etrus] archipresbiter Eduensis G[uillermus] Patruz decanus Sedelocensis magistri J[ohannes] Flavigniacensis et Philippus de Luzi archipresbiteri notum facimus presentibus et futuris quod anno Domini MCC septuagesimo II die lune post festum beati Martini hyemalis reverendus in Christo pater dominus G[irardus] Dei gratia episcopus Eduensis apud Flavigneium in domo sua episcopali dixit viro religioso domino G[uillermo] abbati Flavigniacensi ibidem presente et vocato ab ipso domino episcopo in hunc modum domine abbas vos estis homo noster de villa Flavigniacensi de hiis que ibidem habetis et de pertinentiis ejus jurabili et reddibili nobis vos reddidistis nobis ad requisitionem et voluntatem nostram claves ville et abbacie Flavigniacensi et fortaliciorum eorum faciendo in hoc debitum vestrum et quod facere debetis Respondente ad hoc abbate domine verum est et semper de hoc faciemus vobis quod facere debemus Nos dixit prefatus dominus episcopus tenemus dictas claves quoniam nobis placuit nos dictas claves quas nobis tradidistis vobis tradimus tanquam bono homini ut eas custodiatis vel fideliter tanquam bonus probus homo et tenens idem dominus episcopus in manu sua dictas claves tradidit eas ibidem dicto abbati qui recipiens eas de manu ipsius domini episcopi dixit domine nos custodiemus eas bene et fideliter Deo dante et vos facitis bene et elemosinam tradendo eas nobis Supradictis autem presentes fuerunt nos predicti archidiaconus officialis decanus et archipresbiteri ac plures monachi Flavigniacenses dominus G de Tornodoro dominus S curatus de Plainbein presbiteri dominus S[imon] curatus Belle Ville [] Datum anno et die predictis