Charter Document - 02060007
| Charter Number: | 02060007 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1140 |
| Date type: | Internal, A.D., Calendar, Papal |
| Resource Link(s): |
Archives départementales de Saône-et-Loire - G 443 (p.14) |
Charter:
Innocentius episcopus servus servorum Dei venerabili fratri Humberto Augustudunensi episcopo ejusque successoribus canonice substituendis in perpetuum Equum est et justitie consentaneum ut qui ecclesiarum omnium curam ex injuncto nobis apostolatus officio gerimus eisdem singulis suas dignitates et privilegia integra conservemus Dignum siquidem et rationabile est ut nobilis et famosa Eduensis ecclesia que in fide catholica et obedientia atque beati Petri et sancte Romane ecclesie reverentia firma permansit prerogativa sua libere perfruatur Quapropter karissime in Christo frater Humberte Eduensis episcope quem pallii genio decoravimus tuis rationabilibus postulationibus gratum prebentes assensum quascumque possessiones sive ecclesias seu villas vel oppida aut quecumque bona in presentiarum juste et canonice possides sive in futurum legitime auxiliante Domino poteris adipisci tibi et per te Eduensi ecclesie ac tuis successoribus in perpetuum presentis scripti privilegio confirmamus In quibus hec propriis nominibus exprimenda subjunximus ecclesiam videlicet beate Marie et sancti Lazari de Avalone et castrum Toilonum cum omnibus eorum pertinentiis ecclesias de Ulmo ecclesiam sancte Sabine capellam sancte Marie de Burbono jus etiam quod habetis in ecclesiis videlicet de Rigni et de Brian ac de Sarri Concedimus etiam tibi ut libere et absque contradictione in tuo episcopatu juxta sanctorum patrum constitutiones corrigenda corrigas et disponenda disponas Vicariam etiam et dignitatem quam antecessores tui in Lugdunensi ecclesia usque ad hec tempora habuisse noscuntur tibi nichilominus confirmamus Nullus ergo [] Ego Innocentius catholice ecclesie episcopus subscripsi Ego Gerardus presbiter cardinalis tituli sancte Crucis in Jerusalem subscripsi Ego Grisogonus presbiter cardinalis tituli sancte Praxedis subscripsi Ego Petrus presbiter cardinalis tituli Pastoris subscripsi Ego Gorgo presbiter cardinalis tituli sancte Cecilie subscripsi Ego Gregorius diaconus cardinalis sanctorum Sergii et Bachi subscripsi Ego Otto diaconus cardinalis sancti Georgii ad velum aureum subscripsi Ego Guido diaconus cardinalis sanctorum Cosme et Damiani subscripsi Ego Gerardus diaconus cardinalis sancte Marie in Domnica subscripsi Datum Laterani per manum Aimerici sancte Romane ecclesie diaconus cardinalis et cancellarius XII kalendas februarii indictione IIII incarnationis Dominice MCXL pontificatus vero domni Innocentii anno XI