Charter Document - 02060006
| Charter Number: | 02060006 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1150 |
| Date type: | Internal |
| Resource Link(s): |
Archives départementales de Saône-et-Loire - G 443 (p.13) |
Charter:
Eugenius episcopus servus servorum Dei venerabili fratri Henrico Augustudunensi episcopo ejusque successoribus canonice substituendis in perpetuum In eminenti apostolice Sedis specula disponente Domino constituti ex injuncto nobis a Deo apostolatus officio fratres nostros episcopos debemus fraterna caritate diligere et ecclesiis sibi divina provisione commissis suam dignitatem atque justitiam conservare Aqua sunt namque libramina justitie et nos in sede beati Petri licet immeriti residentes Christi legatione fungimur atque majoribus et minoribus sapientibus et insipientibus existimus debitores Ea propter Karissime in Christo frater Henrice Eduensis episcope quem pallii genio decoravimus tuis justis postulationibus gratum impertimur assensum et predecesoris nostri felicis memorie pape Innocentii vestigiis inherentes quascumque possessiones sive ecclesias seu villas vel oppida aut quecumque bona in presentiarum juste et canonice possides vel in futurum concessione pontificum largitione regum vel principum oblatione fidelium seu aliis justis modis auxiliante Domino poteris adipisci tibi et per te Eduensi ecclesie ac tuis successoribus in perpetuum presentis scripti privilegio confirmamus In quibus hec propriis nominibus exprimenda subjunximus abbatiam sancti Andochii abbatiam Flaviniacensem abbatiam Corbiniacensem et abbatiam Corensem cum earum pertinentiis ecclesiam beate Marie et sancti Lazari de Avalone et castrum Toilonum cum omnibus eorum pertinentiis ecclesias de Ulmo ecclesiam sancte Sabine capellam sancte Marie de Borbono jus etiam quod habetis in ecclesiis videlicet de Rigni et de Brian ac de Sarri concedimus etiam tibi ut libere et absque contradictione in tuo episcopatu juxta sanctorum patrum constitutiones corrigenda corrigas et disponenda disponas Vicariam etiam et dignitatem quam antecessores tui in Lugdunensi ecclesia usque ad hec tempora habuisse noscuntur tibi nichilominus confirmamus Nullus ergo primas [] Ego Eugenius catholice ecclesie episcopus subscripsi Ego Ymarus Tusculanus episcopus subscripsi Ego Nicolaus Albanensis episcopus subscripsi Ego Hubaldus presbiter cardinalis tituli sancte Praxedis subscripsi Ego Nicolaus presbiter cardinalis tituli sancti Cyriaci subscripsi Ego Aribertus presbiter cardinalis tituli sancte Anastasie subscripsi Ego Julius presbiter cardinalis tituli sancti Marcelli subscripsi Ego Hubaldus presbiter cardinalis tituli sancte Crucis in Jerusalem subscripsi Ego Guido presbiter cardinalis tituli Pastoris subscripsi Ego Oddo diaconus cardinalis sancti Georgii ad velum aureum subscripsi Ego Octavianus diaconus cardinalis sancti Nicholai in carcere Tulliano subscripsi Ego Gregorius diaconus cardinalis sancti Angeli subscripsi Ego Astandus diaconus cardinalis sancti Eustachii subscripsi Ego Guido diaconus cardinalis sancte Marie in Porticu subscripsi Ego Jacintus diaconus cardinalis sancte Marie in Cosmydyn subscripsi Datum Ferentini per manum Bosonis sancte Romane ecclesie scriptoris XI kalendas martii indictione XIIII incarnationis Dominice MCL pontificatus vero domni Eugenii pape III anno sexto