Charter Document - 02060001
| Charter Number: | 02060001 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1256 |
| Date type: | Internal, Calendar, Papal |
| Resource Link(s): |
Archives départementales de Saône-et-Loire - G 443 (p7) |
Charter:
Alexander [episcopus servus servorum dei] [] Ad perpetuam rei memoriam Ad audientiam nostram pervenit quod non nulli abbates et religiosi prelationis gerentes officium de regno Francie subditis suis inhibent ne statum monasteriorum suorum personarum et rerum eorumdem dyoecesanis suis vel aliis per quos ad noticiam eorum pervenit insinuent vel exponant in ipsos si secus egerint excommunicationis sentenciam proferentes Ex quo evenit quod cum ipsi dyoecesani eadem monasteria visitant illorum statum scire non possunt propter quod multa in eis tam in capite quam in membris quum correctione ac reformatione indigerent remanent incorrecta Contra has ergo detestabiles et periculosas astucias providere volentes decernimus habito fratrum nostrorum consilio quod ipsi dyoecesani sentencias quas hujus religiosi prelati in suorum monasteriorum personas et subditos in quibus iidem visitationem habent hac occasione protulerint valeant revocare Nulli ergo [] Si quis autem [] Data Laterani vii kalendas aprilis pontificatus nostri anno secundo