Charter Document - 02040167

A touz ces qui verront ces presentes lettres Humbert li Asnes garde dou seaul mon seigneur le conte de Neverz en la prevost de Clameci salut Saichent que establi par devant Guiot Roussete de Clameci clerc notaire jur au dit seaul cui Nous havons don nostre povoir a oyr et a recevoir en leu de nous les choses dessouz escriptes Seguenez Roignons de Corbigni et Perrenele sa femme hont recogneu communement et en droit que il hont vendu en non et en tytre de leaul vencon perpetuelement quitt ced et otroi a mon seigneur Gui de Limenton prevost de Sussy en l'esglise de Osteun et a ses hoirs tout le champart et tout le cens que il havoient et percevoient chascun an a Mairigny sur Yone et a Ville Poine et ou terreour ou finaige et appartenences et en la justice des di leux et es vignes des Croz et ledit cens il li vendent comme droit cens portant lox ventes amende et tout autre droit de droit cens et doit monter et valoir cis droiz cens jusques a doze sols de la monoie corant ou cont de Neverz chascun an venduz por le pris de vint et une livre de tornois des quex li dit vendeeur se tiendrent por bien pai par devant le dit jur en tele maniere que il en quittent le dit acheteeur et ses hoirs et touz ces qui hont ou hauront cause de lui en ce fait Et se sont devestu et dessaisi li dit vendeeur des dites choses vendues en la mainz dou dit jur ou non et ou tytre dessus diz et li diz jurez a leur requeste en ha revestu et mis en saisine le dit acheteeur en non et en tytre de leaul eschat par le beaul et par la teneur de ces lettres en transportant en icelui la propriet et possession le droit et la seignorie des dites choses vendues Et hont promis li dit vendeeur par leur foiz don es corporelement en la mainz dou dit jur sur ceu sur l'obligation la prise la vendue et lesploit de touz leurs biens meubles et non meubles presenz et a avenir sur le lyen de touz leurs hoirs et sur la prise de leur propres cors que contre ceste vente et ceste quitance il ne venront jamais par aux ne feront ne sofferront venir par autre et que es dites choses vendues il ne demanderont ne reclameront jamais aucune chose de droit ne feront demander ne reclamer par autre mas les garentiront et deffendront vers touz contendenz en jugement et deffors au dit acheteeur et es suens franches quites et d livr s de tout faiz de toute charge de tout fye de tout reserve de toute servitute et de toute redevence Prometent li dit vendeeur par leur dites foiz et par les lyens dessus diz que se aucuns y mestoit empechement il prendroient le fais et la charge dou plait a aux a leur propres couz et a leur propres despens a la premiere denontiation que li diz acheterres ou si hoir ou ses commandemenz portant avec soi ces presentes lettres senz autre procuration leur en feroient Et sont tenu li diz vendeeur sur l'obligation dessus dite sodre rendre et restorer au dit acheteeur et a ses hoirs et a ces qui hauront cause de lui en ce fait a leur simples sairemenz sens autre preuve toutes les perdes et touz les domaiges qui il feront hauront souztenront ou encoront par deffaut de la dite garentie Prometent derrechief li dit vendeeur par leur dites foiz et par les lyens dessus diz que toutes ces convenences ensamble et chascune par soi il garderont et tenront fermement et autrement senz corrumpre et senz esperance daucun rappiaul Renoncent en ce fait li dit vendeeur par devant le dit jur et par leur dites foiz a toute exception de fraude de malice de condition de fait senz cause et avec cause a exception de pecune non nombr e a esperance dou demander au benefice de restitucion au droit touz autres et a tout ceu expressement qui leur porroit valoir en rappeler en quasser en despecier et en anuller ce fait et au dit acheteeur ou es suens nuire en aucune mani re Sozmetent et obligent quant a ceu li dit vendeeur aux et leur hoirs touz et touz leur biens devant diz ou que il puissent estre trov et par quelque non que il soient nomm la juridiction mon seigneur le conte de Neverz devant dit et a la cohercion dou dit seaul dou quel Nous havons seel es ces presentes lettres en tesmoing de v rit a la relacion dou dit jur sauf le droit mon seigneur le conte de Neverz devant dit se droit y a Donn l'an de grace mil deux cenz quatre vinz et quatorze le maicredi devant la Magdelene