Charter Document - 02040138
| Charter Number: | 02040138 |
|---|---|
| Cartulary Title: | Cartulaire de l'Eglise d'Autun |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1277 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis ejusdem MCC septuagesimo septimo mense Novembri Ego Iohannes de Drees domicellus notum facio universis presentes litteras inspecturis quod ego sponte provide [] pro me et meis heredibus do trado et delibero Stephano dicto Tondu fornerio de Edua et suis heredibus in perpetuum duas petias vinearum sitas in finagio de Archeval una juxta vineam meam et alia juxta vineam quondam Karelli de Bernay item quamdam petiam prati sitam in finagio de Belnay juxta pratum Iohannis de Alligneyo ex una parte et pratum Mulereti de Chemino ex altera item quoddam pratum situm in dicto finagio juxta campum Hugonis prepositi de Bernay item quamdam domum sitam in villa de Belnay juxta domum Hugonis prepositi de Belnay ex una parte et domum dicti Becon ex altera cum appenditiis et pertinentiis dicte domus pro duabus libris cere duobus denariis monete currentis in Burgundia et tertiam partem duorum denariorum monete predicte annui census et perpetui michi et meis heredibus a dicto Stephano et suis heredibus in die festi beati Remigii reddendis seu etiam persolvendis Quare de predictis me et meos heredes corporaliter devestio [] Actum in presentia Hugonis notarii Eduensis Guidonis dicti Herbaut civi Eduensi et Arnulphi dicti Flemant civi Eduensi testium ad hoc vocatorum anno et mense predictis