Charter Document - 02040115

Je Estienes de Mont saint Iohan sires de Saumaise fais savoir a toz ceus qui verront ces presentes lettres que la vendue que Guillemins de Maiseres diz Mellins a fait au Dieu et au chapitre de Ostuun de ce que il avoit a Viez Cort e en la pooste de Suisse que cil diz Mellins tenoit de Guillemin de Lantilleres e cil diz Guillemins de Lantilleres tenoit de moi ie cele dite vendue lo e otroi e quit lo fie des choses de sus dites au Dieu et au chapitre de Ostuun devant diz Et por se que ce soit plus ferme chose ie ai mis mon seal en ces presentes lettres à la requeste dou dit Guillemin de Maiseres dit Mellin Ce fu fait en lan de lincarnacion nostre Seignor Mil dous cens soixante un ou mois de Setembre