Charter Document - 02040002

In nomine Dei eterni et Salvatoris nostri Jesu Christi Karlomannus gratia Dei rex Si locis divinis cultibus mancipatis subsidium nostra auctoritate tribuimus ob hoc credimus emolumentum celestis patrie melius adquiri et presentem vitam convenientius transire Quocirca noverit omnium sancte Dei Ecclesie fidelium atque nostrorum unanimis universalitas quoniam nos ad deprecationem Richardi comitis Augustodunensis villam Taniacum que olim a pravis antecessoribus nostris ab episcopatu sublata fuerat et comitatui sociata nonis et decimis adhuc ad jam dictam ecclesiam venientibus ob Dei amorem eternorumque premiorum retributionem sancto Nazario presentique presuli Adalgario seu successoribus ejus eternaliter reddimus et delegamus Que siquidem villa sita est in comitatu Avalensi Statuimus ergo atque decernimus Deo teste et judice ut a nullo unquam regum successorum nostrorum hec nostre largitatis auctoritas violetur sed sicut alie res ejusdem episcopatus ita hec jam dicta villa habeat reliquisque privilegiis ejusdem ecclesie subjecta persistat ac maneat Ut autem hujus nostre confirmationis auctoritas pleniorem in Dei nomine obtineat firmitatis vigorem manibus propriis eam subscripsimus et annuli nostri impressione subter assignari jussimus Signum Karlomanni gloriosissimi regis Norbertus notarius subscripsit Datum pridie kalendas decembris anno secundo regni Karlomanni gloriosissimi regis indictione XIII Actum apud Nerondam villam in Dei nomine feliciter Amen Theodoricus comes ambassiavit