Charter Document - 02030046
| Charter Number: | 02030046 |
|---|---|
| Cartulary Title: | Cartulaire de l'Eglise d'Autun |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0853 |
| Date type: | Internal, Calendar, Regnal |
| Resource Link(s): |
|
Charter:
In nomine Domini nostri Jesu Christi Dei eterni Lotharius divina ordinante providentia imperator augustus Si in restitutione rerum ecclesiasticarum curam adhibemus providentiamque non minimam gerimus non solum in hoc imperialem exerceremus consuetudinem sed et id ad emolumentum anime nostre pertinere non ambigimus omnimodis Quapropter omnium sancte Dei Ecclesie fidelium nostrorumque presentium et futurorum noverit universitas quia Jonas venerabilis Augustodunensis ecclesie episcopus per Remigium venerabilem sancte Lugdunensis ecclesie presulem et vasallum suum Gissulfum nomine ad aures pietatis nostre perducere studuit quod Aldricus quondam comes ex rebus ecclesie sancti Nazarii cui idem Jonas Deo auctore presidet in pago Scudingis villam unam Voltnaus vocabulo antequam hanc lucem emisisset temere invasisset suoque vassallo Rotfrido nomine beneficiario munere delegasset Quam causam viro venerabili Remigio et Agilmaro reverentissimis archiepiscopis diligenter inquirere et discutere jussimus et per ipsos sicut superius nobis indicatum fuerat eamdem villam ad prefatam sancti Nazarii ecclesiam legitime pertinere didicimus atque per judicium nobilium virorum comitum atque scabinorum memorato Gissulfo vassallo jam dicti Jone episcopi eam reddi precepimus Sed ut in perpetuum memoratus Jonas episcopus successoresque ejus ad partem prefate sancti Nazarii ecclesie quiete eamdem villam obtinere valeant hoc nostre mansuetudinis preceptum fieri decrevimus per quod statuentes decernimus atque jubemus ut ab hinc in futuro prescriptam villam in jam dicto pago Scudingis sitam pars memorate sancti Nazarii ecclesie quiete teneat atque possideat et prout utilitas ejusdem loci dictaverit ordinet atque disponat Et ut hec nostre confirmationis auctoritas stabilem et inconvulsam obtineat firmitatem de annulo nostro subter jussimus sigillari Rodmundus notarius ad vicem Hilduini recognovi Data V nonas julii anno Christo propitio imperii domni Lotharii pii imperatoris in Italia XXXIV et in Francia XIV indictione prima Actum Theodonis villa palatio regio in Dei nomine feliciter Amen