Charter Document - 02030044
| Charter Number: | 02030044 |
|---|---|
| Cartulary Title: | Cartulaire de l'Eglise d'Autun |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 0873 |
| Date type: | Assigned |
| Resource Link(s): |
|
Charter:
Johannes episcopus servus servorum Dei omnibus filiis sancte Eduensis ecclesie et per vos successoribus vestris in perpetuum Auditum est nostris apostolicis auribus et crebro intimatum frequenter ecclesiis Galliarum contra decreta canonum in electione suorum episcoporum violentiam inferri Quod nos cui ecclesiarum omnium cura commissa est quamvis indignis viscerabiliter condolentes ab universis ecclesiis hanc insertam violentiam auctoritate Dei et beati Petri recidere cupientes precipue vobis sancte videlicet Eduensi ecclesie hujus nostri decreti privilegium scribere sancivimus reges Francorum primum observatores orantes in quo decernimus et regulariter ordinamus ut deinceps nemo regum vel principum vel aliqua persona vobis supponere vel ordinare aut successoribus vestris presumat nisi ex filiis ipsius ecclesie secundum scripta canonum quem clerus elegerit et populus proclamaverit si in ea dignus repperiri potuerit Quod si in ea quod forte accidere non credimus inventus non fuerit unanimi eorum consilio tam cleri quam populi de aliis dignissimus expectatur Vestrum denique honorem quem de seniore adepti fueritis de vestris domibus et de vestris canoniis et de communi causa fratrum et de omni proprietate vestra in heredibus legitimis statuendis et eligendis ex ipsa domo nostra apostolica auctoritate licentiam vobis concedimus ordinandi absque alicujus controversia impedimenti Si quis vero magnus vel parvus contra hoc nostrum decretum et concessivam largitionem in aliquo surgere nostramque apostolicam auctoritatem violare vel infirmare presumpserit sciat se anathematis vinculo sancte Trinitatis invocatione et beati Petri apostoli potestate hac nostra auctoritate eternaliter cum inimicis Dei et ejus contradictoribus usque ad satisfactionem profligatum ac in perpetuum dampnatum conservatores autem hujus nostri decreti pax et gaudium et benedictio a largitore omnium bonorum Deo consequantur et vitam eternam habere mereantur Scriptum per manus Theodori scriniarii sancte romane Ecclesie in mense marcii et indictione sexta datum Benevalete