Charter Document - 02030043

In nomine Domini Dei eterni Salvatoris nostri Jesu Christi Heriveus ejusdem propitiante miseratione humilis Eduorum episcopus Si pastoralem a Deo nobis commissam curam digna et Deo placita sollicitudine providemus et in pascendis atque enutriendis dominici gregis collegiis operam damus ad repromissa bonis servis a summo pastore premia percipienda gressus nostros dirigi ipso duce non diffidimus Quapropter noverit omnium sancte Dei Ecclesie fidelium presentium scilicet et futurorum generalis unanimitas quoniam cum de variis memorate nostre ecclesie incommoditatibus precordialiter moveremur et specialiter de congregatione ejusdem sancte matris qualiter in divinis cultibus condigna sinceritate subsisteret cum rectoribus illius sollicite tractaremus precipue autem cum veneranda genitrice donna Yrmengardi illustri comitissa hujus possibilitatis consilium expeteremus quam tanto noveramus in hujusmodi incrementis voluntariam quanto de nostra salute non dubitamus amplius esse sollicitam reperimus horum omnium consilio quandam nostre potestatis villam olim a nostra ecclesia injuste alienatam et antecessorum nostrorum studio nonis et decimis eidem servatis solemniter receptam Mariniacum videlicet sitam in comitatu Nivernensi super fluvium Icaunam talibus obsequiis commodam quam canonicorum predicte congregationis et egregii patroni nostri beati Nazarii usibus destinavimus eternaliter possidendam cum omnibus ad se juste et legaliter pertinentibus quesitis et inquirendis et cum mansis quinque sitis in comitatu Avalensi diversis in locis positis atque a possessoribus jam dicte ville simili jure possessis In comitatu etiam Augustudunensi in montibus scilicet eidem civitati prominentibus mansos duos penitus absos et omni cultura destitutos pascuis solummodo animalium aptos quos de potestate comitali domnus Jonas antecessor noster regia auctoritate adeptus est in loco videlicet quem Porcariam incole appellant juxta murum quoque civitatis in loco quem Brolium nuncupant mansum unum similiter absum ortum similiter ad villam Arneias pertinentem ad quam et ipse mansus visus est pertinuisse et Ortolanum nomine cum uxore et liberis pistorem vero nomine cum uxore et liberis coquum necnon nomine Budinum cum uxore et liberis Hos omnes tam mansos quam servientes cum supradicta villa et omnibus jam dictis rebus jure predicto prelibate congregationis in perpetuum habendos et dominandos mancipavimus Unde et hoc pie institutionis testamentum fieri decrevimus successorum nostrorum venerandam assensum prebere orantes successionem per quod statuentes decernimus et pontificali auctoritate confirmamus ut supradictas res cum omnibus supra consignatis fratres memorati collegii sicut reliquas res ad eorum generalitatem pertinentes canonico jure possideant et inviolabiliter prout communi utilitati melius visum fuerit disponant atque regant nullo inquietante aut dirumpetne Omnium igitur prelatorum et secularium principum et virorum nobilium una cum predicti ordinis patribus eorumque subjectis piam exoramus devotionem ut hec statuta nostra ita observent paterna con laboratione quemadmodum post se sua observari optabunt decreta quo participes ejusdem mercedis fieri mereantur qua nos credimus remunerandos pro talibus largitionibus Ut ergo hoc nostre institutionis testamentum tutiorem in Dei nomine obtineat firmitatis plenitudinem prelibatorum patrum et coepiscoporum nostrorum manibus firmandum offerentes manu nostra firmavimus et predictorum principum eorumque et nostrorum amicorum atque fidelium manibus humiliter firmari rogavimus