Charter Document - 02030039
| Charter Number: | 02030039 |
|---|---|
| Cartulary Title: | Cartulaire de l'Eglise d'Autun |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 0921 |
| Date type: | Internal, Calendar, Regnal |
| Resource Link(s): |
|
Charter:
Cum in cunctis dilectionis fraterne largitionibus idonea sint testimonia adhibenda opportet etiam ut res distribute ita muniantur largientium et consentientium scriptis ne in futuro violari possint contrariorum impedimentis Quapropter Heriveus divina propitiante miseratione humilis Eduorum episcopus notum fieri volumus omnibus Dei et sancte Ecclesie fidelibus presentibus et futuris quoniam cum apud predictam urbem morantes de variis fidelium nostrorum dispositionibus cum eisdem tractaremus adiit presentiam nostram Theotbodus venerabilis Colticensis cenobii abbas ostendens nobis qualiter quasdam res ad eamdem suam abbatiam pertinentes alteri nostro abbati et familiari nobis archidiacono nomine Gerboldo jure beneficiario concesserat et una cum alio fideli nostro vocabulo Helirado dilecto nobis sacerdoti et suprascripte sancte matris Ecclesie canonico ut eodem jure ob quamdam opportunitatem simul viventes res ipsas possiderent permiserat sunt autem he ipse res site in comitatu Belnensi in villa que dicitur Grandis campus mansus videlicet unus et lunares juxta estimationem inquirentium quinque et in villa Mansiaco mansus unus ad ipsas res pertinens Has itaque predictas res cum mancipiis vineis et terris cum omnibus ad se juste et legaliter pertinentibus quesitis et inquirendis per deprecationem ambarum partium secundum cessionem predicti abbatis et monachorum sibi subditorum consensum et nos illis concedimus et ad petitionem illorum jussimus hoc nostri assensus testamentum fieri cujus auctoritate confirmavimus ut memorati fideles nostri Gerboldus et Helirardus prenotatas res quandiu simul advixerint fructuario et jure beneficiario equa dispositione possideant eo quidem tenore ut annis singulis in foro quod apud Cavillonum finiente mense augusto agitur tres denariorum solidos sine ulla contradictione persolvant Qualiscumque vero illorum alteri vivendo superstes fuerit jure suprascripto et sub eodem censu res ipsas possideat post amborum quoque ab hac vita transitum prefate res ad pristinum monasterii statum sine ulla reddentis expectatione revertantur Ut ergo hoc nostre cessionis testamentum pleniorem in Dei nomine obtineat firmitatem manu propria illud firmavimus et fidelium nostrorum abbatum et monachorum canonicorum et laicorum manibus subter jussimus roborari Actum apud presignatam urbem Augustudunum feliciter in Domino Amen Heriveus humilis Eduorum episcopus huic scripto voluntate plena assensum prebui Ingelmannus humilis sacerdos et decanus signavi Constabilis cantor et sacerdos signavi Theodbodus humilis abbas signavi Gilbertus humilis abbas signavi Theodbertus signavi Datum pridie kalendas januarii indictione IX anno XXIV post obitum domni Odonis quondam regis regnante Karolo glorioso rege